11 март куни АҚШнинг Варшавадаги доимий элчиси Польшада 10 мингдан ортиқ америкалик ҳарбий хизматчи жойлаштирилганини маълум қилди. Бу ҳақда ТАСС хабар бермоқда.
“Айни пайтда Польша бўйлаб 10 мингдан ортиқ америкалик аскар жойлашган. Улар Польша армияси билан биргаликда машғулотлар ўтказмоқда ва амалиётларда қатнашмоқда”, — деган Польшадаги АҚШ расмийси Марк Бжезински.
Бжезинскининг сўзларига кўра, АҚШ томонидан Польшага етказиб берилган Abrams танклари, F-16 қирувчи самолётлари ва HIMARS ҳарбий ускуналари Польша ва НАТО иттифоқининг мудофаа қобилияти учун жуда муҳим. Томонлар ҳарбий ҳамкорликни узлуксиз давом эттиради.
Маълумот ўрнида, 2022 йил февраль ойига қадар АҚШнинг Польшадаги ҳарбий контингенти 5000 нафар аскардан иборат эди. 2023 йил март ойида Польша Мудофаа вазирлиги мамлакатда биринчи доимий АҚШ армияси гарнизони фаолият юритишини эълон қилган эди.
Изоҳ (0)