Россия пойтахти Москвада 1 май куни Украина шарқидаги фронтда эгалланган НАТО ҳарбий техникалари кўргазмаси ташкил этилди. Бу ҳақда “ТАСС” нашри хабар берди.
Манбада айтилишича, кўргазма Москванинг Поклонная тепалигидаги Ғалаба музейи қаршисида ташкил этилган. НАТО ҳарбий техникалари кўргазмаси 32 та турли хил зирҳли техникани ўз ичига олган.
“Кўргазмада россиялик ҳарбий хизматчилар томонидан махсус ҳарбий операция зонасида қўлга олинган ҳарбий техниканинг турли намуналари тақдим этилди. Кўргазмада ҳаммаси бўлиб 32 та экспонат мавжуд”, — деган Россия Қуролли кучлари марказий музейи катта илмий ходими Андрей Любчиков.
Хабарда айтилишича, кўргазмада Германияда ишлаб чиқарилган Leopard 2 танки, Аmerican Abrams танклари, Bradley жанговар машинаси, М113 ва МахPrо моделлари, Туркияда ишлаб чиқарилган BМC Кirpi тезюрарлари, Буюк Британияда ишлаб чиқарилган Маstiff, Швециянинг CV90 жанговар автомобиллари, шунингдек, бошқа кўплаб қуроллар кўрсатилган. Ушбу техникалар ҳарбий операция пайтида рус ҳарбийлари томонидан қўлга киритилгани айтилган.
Кўргазмада бир қанча ўқотар қуроллар, ҳужжатлар, хариталар, ҳарбий жиҳозлар ва дронлар ҳам намойиш этилиши айтилган. Ушбу кўргазма бир неча кун давом этилиши маълум қилинган.
Изоҳ (0)