Kivanch Tatlitug‘ 41 yoshda: mashhur turk aktyori ishtirokidagi eng sara film va seriallar

Kivanch Tatlitug‘ — Turkiyaning eng mashhur aktyorlaridan biri, u yuqori daromad keltirgan va eng muvaffaqiyatli televizion loyihalarda rol o‘ynagan. 27-oktyabr kuni 41 yoshni qarshi olgan aktyorning muxlislari uning ijodini mehr va hayrat bilan kuzatib boradi. Kivanch komediya rollaridan uzoqdir, shuning uchun agar siz kadrdagi aktyorga baho berishga qaror qilgan bo‘lsangiz, dastro‘molchangizni oldindan tayyorlab qo‘ying. Quyida turk Bred Pitti nomini olgan Kivanch Tatlitug‘ ishtirokidagi klassikaga aylangan film va seriallarni e’tiboringizga havola etamiz.

“Taqiqlangan sevgi”

“Taqiqlangan sevgi” seriali Kivanchga dunyo miqyosida shuhrat keltirgan loyiha hisoblanadi. Serial dunyoning ko‘plab mamlakatlarida namoyish etilgan. Ushbu loyihada Kivanchning partnyori Beren Saat bo‘ldi. Serialning o‘ziga xos xususiyati shundaki, unda aktyorlar ijobiy va salbiy qahramonlarga bo‘linmagan. Syujetga ko‘ra, yosh Bixterni keksa va boy Adnanga turmushga chiqishiga majbur qilishadi. Shu orqali oilaning moliyaviy ahvolini yaxshilash maqsad qilinadi. Avvaliga qiz bunga rozi bo‘ladi, ammo u bo‘lajak kuyovning jiyani Behlulni yoqtirib qolgach, barcha rejalar o‘zgarib ketadi.

“Kuzey Guney”

“Kuzey-Guney” serialida bosh rolda Bugra Gulsoy va Oykyu Karayel bilan suratga tushgan. Serial xarakter va hayot maqsadlariga to‘g‘ridan to‘g‘ri qarama-qarshi bo‘lgan ikki aka-uka Kuzey va Guneyning og‘ir taqdiri haqida hikoya qiladi. Kivanch ekranlarda yomon va bezori yigit rolida paydo bo‘ladi. Ularning o‘rtasidagi raqobatlardan so‘ng, ikkalasi ham bir qiz bilan munosabatlardan manfaatdor ekanini anglab yetadi va voqealar o‘zgacha tus oladi.

“Kurt Seyit va Aleksandra”

Tasvirga olish ishlai nafaqat Turkiyada, balki Rossiyada ham bo‘lib o‘tgan taniqli tarixiy loyihada taqiqlangan sevgi mavzusi yana syujet markazida bo‘ladi. “Kurt Seyit va Aleksandra” — taniqli turk yozuvchisi Nermin Bezmenning “Kurt Seyit va Shura” romani asosida ishlangan bo‘lib, serial XX asr boshlarida sodir bo‘lgan real voqealarga asoslangan. Unda bosh qahramonlar Rossiya imperiyasining qulashi hamda Oktyabr inqilobidan omon qolishadi. Fojialar, ko‘plab yo‘qotishlar, shafqatsiz umidsizliklarga to‘la tarixiy voqealar bilan birga chor armiyasining sobiq ofitseri leytenant Kurt Seyit va aristokratlar oilasidan bo‘lgan o‘n olti yoshli Shura o‘rtasidagi sevgi haqida ham hikoya qilinadi.

“Jasur va go‘zal”

Serial qasosdan tug‘ilgan sevgi haqida hikoya qiladi. Ismi “jasur” deb tarjima qilingan bosh qahramon Jasur Istanbul yaqinidagi kichik shaharchaga keladi. U taqdir taqozosi bilan u chavandoz Suphon bilan uchrashadi. Qiz shunchalik go‘zal bo‘ladiki, uni sevib qolish uchun unga bir marta boqishning o‘zi kifoya bo‘ladi. Ammo Go‘zal Jasurning, balki boshqa ko‘plab odamlarning hayotini zaharlagan kishining qizi bo‘lib chiqadi. Oqibatda yigit oldida ikki murakkab tanlov qoladi.

“To‘qnashuv”

Serialda Kivanch Tatlitug‘ politsiya komissari rolini ijro etdi va aktrisa Elchin Sangu bilan partnyor bo‘ldi. Syujetga ko‘ra, to‘rtta bir-biriga bog‘liq kishi avtohalokatga uchraydi. Avtohalokatda to‘rt xil inson: o‘g‘irlangan qizini qutqarish uchun pul o‘g‘irlashga majbur bo‘lgan bank xodimi Zeynep, uning advokati, o‘g‘ri Kerem qatnashadi. Politsiya komissari Kadir barchaning taqdirini bir-biriga bog‘laydi.

“Yakamoz S-245 suv osti kemasi”

Bir paytlar bir-biriga ko‘ngil qo‘ygan ikki olim — Arman va Defne bir necha yildan so‘ng qayta uchrashadi. Defne Armanni olimlar guruhi bilan uzoq vaqtdan beri o‘rganmoqchi bo‘lgan Eren tubiga sho‘ng‘ishga ko‘ndiradi. Tadqiqot maydoniga yetib kelgan Arman va olimlar suv ostiga tushadi, ammo ma’lum muddatdan so‘ng suv yuzasiga ko‘tarilgan ekipaj dengiz tubiga kirgan paytida sodir bo‘lgan tabiiy ofatlar haqida bilib qoladi.

“Oila”

Kivanchning so‘nggi loyihalaridan biri bo‘lgan mazkur serial tomoshabinlari uchun eng qiziqarli bo‘ldi. Bosh qahramon Aslan jinoyat bilan chambarchas bog‘liq bo‘lgan sirli klub biznesining vorisi. Tasodifan uning yo‘llari psixoterapevt Devin bilan kesishadi. Devin halol mehnat qilib, barcha narsaga erishishga va singlisi haqida qayg‘urishga harakat qiladigan mehnatkash qiz bo‘ladi. Ularning o‘rtasida vujudga kelgan rishtalar hatto turk mafiyasini ham yo‘q qila oladigan kuchli tuyg‘uga aylanadi.