“Севги изтироби” сериали юлдузи Неслиҳан Атагул ва унинг турмуш ўртоғи Кадир Доғулу фарзанд кутаётганликларини тасдиқлагандан сўнг, мухлисларга ёқимли бўлмаган хабарни эълон қилди.
Актриса “Ишғол вақтидаги муҳаббат” номли янги сериалда бош қаҳрамон Вера ролини ижро этиши ва актёр Киванч Татлитуғ билан жуфтлик образини гавдалантириши керак эди. Неслиҳан ҳомиладорлик сабабли ушбу лойиҳадаги ролидан воз кечишга мажбур бўлди. Айни дамда Ay Yapim продюсерлик компанияси унинг ўрнига бошқа актрисани излашни бошлаган.
“Ишғол вақтидаги муҳаббат” сериали 1918 йилда босиб олинган Истанбулдаги Вера исмли турк қиз ва майор ўртасидаги севги тарихи ҳақида ҳикоя қилади. Лойиҳани бошлаш санаси 2025 йилга мўлжалланган бўлиб, сериал NОW телеканалида эфирга узатилади. Жамоа суратга олиш ишларини 2025 йилнинг январь ойида бошлаши режалаштирилган. Дизи мухлислари ушбу сериалда бош роль актриса Пинар Денизга берилишидан умид қилмоқда. Аммо маълумотларга қараганда, Дениз узоқ муддатга кино фаолиятидан танаффус эълон қилган.
Неслиҳаннинг ашаддий мухлислари бўлиб ўтган воқеада Кадир Доғулуни айбламоқда. Уларнинг фикрича, Кадир рафиқасининг муваффақиятли лойиҳаларда чиқмаслигига бор кучи билан уринмоқда. Албатта, бундай изоҳлар ва танқидлар ҳақиқатдан йироқдир, чунки лойиҳада суратга тушиш бўйича шартнома имзолаш вақтида Неслиҳан ҳомиладорлигини билмаган. Эндиликда Неслиҳан саккиз йилдан бери кутган, янги ва энг муҳим роль бўлган оналикда ўзини синаш вақти келди.
Изоҳ (0)