Футбол бўйича Англия Премьер Лигасининг 25-туридан ўрин олган асосий ўйинлар 17 февраль, шанба куни бўлиб ўтди.
Турнинг марказий ўйинида “Манчестер сити” ўз уйида “Челси”ни қабул қилди. Учрашувнинг 42-дақиқасида “шаҳарликлар” собиқ аъзоси Раҳим Стерлинг меҳмонларни олдинга олиб чиқди.
Иккинчи бўлимда икки жамоада ҳам кўплаб имкониятлар бўлди. Учрашувнинг 83-дақиқасида Родри ҳисобни тенглаштирди. Ушбу гол учрашувнинг сўнгги голи бўлиб қолди ва “Манчестер сити” чемпионлик пойгасидаги юришида ўзига муаммолар орттириб олди.
“Бёрнли” га қарши меҳмонда ҳаракат қилган “Арсенал” йирик ҳисобда ғалаба қозонди. Учрашувнинг 4-дақиқасидаёқ Эдегор ҳисобни очди, Биринчи бўлим охирларида Сака ҳисобни 0:2 га етказди. Иккинчи бўлимни “Арсенал” яна гол билан бошлади. Троссард ва Ҳаверц ҳисобни 0:5 ҳолатига келишини таъминлади.
“Ливерпуль” ҳам ўз ўйинини меҳмонда ўтказди. Биринчи бўлимнинг 35-дақиқасида Нунез ҳисобни очди. Иккинчи бўлимга ўзгача иштиёқ билан тушган “қизиллар” яна уч бора рақиблар дарвозасини ишғол қилишди. Меҳмонлар сафида Мак Аллистер, Салоҳ Гакпо гол муалифига айланишди. Тоунининг 75-дақиқада урган голи мезбонларнинг ягона голи бўлиб қолди ва учрашув 1:4 ҳисобида якунланди.
Кечаги учрашувлардан кейин жадвал қуйидагича кўринишга келган:
АПЛ
25-тур
“Манчестер Сити” – “Челси” 1:1
Голлар: 0:1 – 42 Стерлинг, 1:1 – 83 Родри.
“Манчестер Сити”: Эдерсон, Уокер, Рубен Диаш, Аканжи, Аке, Фоден, де Брюйне, Родри, Ҳоланд, Алварес (Бернарду Сильва, 64), Доку.
“Челси”: Петрович, Густо, Дисаси, Колуилл, Чилуэлл, Галлаҳер, Фернандес, Палмер (Чалоба, 71), Кайседо, Стерлинг (Нкунку, 64), Жексон (Казадеи, 82).
Огоҳлантиришлар: Кайседо (35), Палмер (60), Петрович (62), Бернарду Сильва (85).
“Брентфорд” – “Ливерпуль” 1:4
Голлар: 0:1 – 35 Нуньес, 0:2 – 55 Мак Аллистер, 0:3 – 68 Салоҳ, 1:3 – 75 Тоуни, 1:4 – 86 Гакпо.
“Брентфорд”: Флеккен, Роэрслев (Льюис-Поттер, 63), Ми, Аер, Коллинз, Регильон (Годдос, 85), Нергор (Онека, 63), Йенсэн (Дамсгор, 74), Янелт, Мопе (Висса, 63), Тоуни.
“Ливерпуль”: Келлеҳер, Бредли (Гомес, 83), ван Дейк, Конате, Робертсон, Эндо, Мак Аллистер (Эллиотт, 83), Жонс (Гравенберҳ, 34), Диогу Жота (Салоҳ, 44), Диас, Нуньес (Гакпо, 46).
Огоҳлантиришлар: Регильон (45), Эндо (67), Онека (72).
“Бёрнли” – “Арсенал” 0:5
Голлар: 0:1 – 4 Эдегор, 0:2 – 41, Сака, 0:3 – 47 Сака, 0:4 – 66 Троссард, 0:5 – 78 Ҳаверц.
“Бёрнли”: Траффорд, Ассинён, Ўши, Эстев (Тейлор, 62), Делкруа, Ремзи (Родригез, 63), Браунхилл, Берге, Амдуни (Гудмундссон, 46), Фофана, Одобер (Бруун Ларсен, 80).
“Арсенал”: Райя, Уайт (Соареш, 69), Габриэль, Салиба, Кивер, Эдегор, Райс (Жоржиньо, 79), Ҳаверц (Смит-Роу, 84), Троссард (Нкетиа, 69), Мартинелли, Сака (Нелсон, 69).
Огоҳлантиришлар: Ремзи (7), Ассиньон (39), Сака (45).
Изоҳ (0)