Футбол бўйича Англия Премьер Лигасининг 35-турида “Ливерпуль” 27 апрель, шанба куни “Вест Ҳэм”га қарши баҳс олиб борди.
Лондондаги учрашувда Боуэн ҳисобни очган бўлса, Робертсон ҳисобни тенглаштирди. Ареолянинг автоголидан кейин меҳмонлар ҳисобда олдинга чиқиб олди. 77-дақиқада Антонио мезбонларга дуранг натижани келтирган гол муаллифи бўлди – 2:2.
Ушбу натижа сабаб Клопп шогирдлари кетма-кет иккинчи ўйинда ҳам очко йўқотиб, чемпионлик учун курашдан деярли чиқди. “Ливерпуль” ҳисобида 35 ўйинда 75 очко бор ва клуб 3-ўринда бормоқда. “Арсенал” 34 ўйиндан кейин 77 очко билан пешқадамликни сақлаб турибди. 33 ўйинда 76 очко тўплаган “Манчестер Сити” 2-ўринда бормоқда.
АПЛ
35-тур баҳси.
27 апрель, шанба.
“Вест Ҳэм” – “Ливерпуль” 2:2
Голлар: 1:0 – Боуэн (43), 1:1 – Робертсон (48), 1:2 – Ареоля (65, автогол), 2:2 – Антонио (77).
“Вест Ҳэм”: Ареоля, Соуфал, Огбонна, Зума, Эмерсон, Соучек (Уорд-Проуз, 74), Лукас Пакета, Альварес, Қуддус, Боуэн, Антонио.
“Ливерпуль”: Алиссон, Александер-Арнольд (Гомес, 79), ван Дейк, Куанса, Робертсон, Эндо (Нунес, 79), Мак Аллистер, Гравенберх, Эллиотт, Диас (Салоҳ, 79), Гакпо.
Огоҳлантиришлар: Эндо (30).
Изоҳ (0)