Исроил Мудофаа Кучлари гуманитар мақсадларда Ғазо секторининг жанубида ҳар куни соат 08:00 дан 19:00 гача жанговар операцияларда тактик пауза қилишини айтди.
Бу ҳақда Исроил ҳарбийлари баёнотида айтилади.
![](/static/2024/06/16/isr-T_DYLRjA.jpg)
"Исроил мудофаа кучлари ва Исроил ҳукуматининг Фаластин ҳудудларидаги фаолиятини Ғазо секторига мувофиқлаштириш бошқармаси томонидан юборилаётган инсонпарварлик ёрдами ҳажмини ошириш бўйича давом этаётган саъй-ҳаракатлар доирасида ҳамда БМТ ва халқаро ташкилотлар билан қўшимча муҳокамалар натижасида бу пауза жорий этилди. Ҳар куни соат 08:00 дан 19:00 гача инсонпарварлик мақсадларида кейинги огоҳлантиришгача жанговар ҳаракатлар тўхтатиб турилади”, — дейилади хабарда.
Қайд этилишича, пауза "Керем Шалом" назорат-ўтказиш пунктидан Салоҳ ад-Дин автомагистралигача ва ундан шимолий йўналишда амал қилади.