АПЛ. “Ливерпуль” “Астон Вилла”га қарши баҳснинг сўнгги дақиқаларда 2 та гол ўтказиб юбориб, ғалабани қўлдан чиқарди (видео)

Футбол бўйича Англия Премьер Лигасининг 37-турида “Ливерпуль” 13 май, душанба куни “Астон Вилла”га қарши баҳс олиб борди.

Учрашувнинг 2-дақиқасидаёқ Мартинес ўз дарвозасига гол уриб, мерсисайдликларнинг ҳисобда олдинга чиқишига сабабчи бўлди. 12-дақиқада Юри Тилеманс ҳисобни тенглаштирди. 23-дақиқада Коди Гакпо “қизиллар”нинг иккинчи голига муаллифлик қилди. Бўлим “Ливерпуль”нинг устунлиги билан якунланди.

Иккинчи бўлим бошида Куанса ҳисобни ишончли кўринишга олиб келди. 85-дақиқада Дуран ҳисобни қисқартирди. Орадан 3 дақиқа ўтиб, Дуран яна бир бор гол уриб, мувозанатни тиклашга муваффақ бўлди.

Учрашув 3:3 ҳисобида якунланди.

Мерсисайдликлар очколарини 79 тага етказиб, 3-ўринда бормоқда. “Астон Вилла” эса 68 очко билан битта пастдаги ўринни эгаллаган.

АПЛ

37-тур баҳси

13 май, душанба

“Астон Вилла” — “Ливерпуль” 3:3

Голлар: 0:1 – 2 Мартинес (автогол), 1:1 – 12 Тилеманс, 1:2 – 23 Гакпо, 1:3 – 48 Куанса, 2:3 – 85 Дуран, 3:3 – 88 Дуран.

“Астон Вилла”: Мартинес, Конса, Диэго Карлос, Пау Торрес, Дин, Макгинн, Тилеманс (Заниоло, 65; Дуран, 79), Бэйли, Дуглас Луис (Чемберс, 80), Диаби, Уоткинс.

“Ливерпуль”: Алиссон, Александер-Арнолд, ван Дейк, Куанса, Гомес, Эндо (Собослаи, 76), Мак Аллистер, Эллиотт (Гравенберҳ, 75), Салоҳ, Диас (Жонс, 76), Гакпо (Нуньес, 75).

Огоҳлантиришлар: Эллиотт (38), Макгинн (70).