АПЛ. “Ливерпуль” ўз майдонида “Манчестер Сити” билан дуранг ўйнади 

Футбол бўйича Англия Премьер Лигасининг 28-туридан ўрин олган “Ливерпуль” ва “Манчестер Сити” жамоалари 10 март, якшанба куни ўзаро баҳс олиб борди.

Учрашувнинг биринчи бўлимида “шаҳарликлар” ҳисобни очди. 23-дақиқада бурчакдан оширилган тўпни Жон Стоунз дарвозага жойлаб қўйди. Тайм охирига қадар шу гол сақланиб қолди.

Иккинчи бўлим бошида эса мерсисайдликлар пенальти ишлаб олди. 50-дақиқада Мак Аллистер пенальтини аниқ амалга ошириб, ҳисобни тенглаштирди.

Қолган дақиқаларда дарвозалар дахлсизлиги сақланиб қолди ва учрашув дуранг натижа билан якунланди.

Ушбу дуранг натижадан сўнг Англия Премьер Лигаси жадвалининг кучли 5 лиги қуйидагича кўриниш олди:

АПЛ

28-тур

10 март, якшанба

“Ливерпуль” — “Манчестер Сити” 1:1

Голлар: 0:1 – 23 Стоунз, 1:1 – 50 Мак Аллистер (пенальти).

“Ливерпуль”: Келлеҳер, Бредли (Робертсон, 61), ван Дейк, Куанса, Гомес, Эндо, Собослаи (Салоҳ, 61), Мак Аллистер, Эллиотт, Диас, Нуньес (Гакпо, 76).

“Манчестер Сити”: Эдерсон (Ортега, 56), Уокер, Аке, Аканжи, Стоунз, де Брюйне (Ковачич, 69), Бернарду Сильва, Родри, Фоден, Ҳоланд, Алварес (Доку, 69).

Огоҳлантиришлар: Родри (45), Эдерсон (47), Бернарду Сильва (59).