Тошкент шаҳар ИИББ Суриядаги террорчилар сафига қўшилган яна бир эркак қидирувга берилганини эълон қилди.
У 1978 йилда Тошкент шаҳрида туғилган Азиз Тошкентбоев бўлиб, лақаби “Исо чавандоз”. Азиз Тошкентбоев 2012 йилда ишлаш учун Туркияга кетган. Оқибатда 9 йиллик оилавий ҳаётидан сўнг, аёли билан ажрашган.
Бу вақтга келиб халқаро террористик ташкилотлар вакиллари Содиқ Самарқандий, Абу Салоҳ, Абдуллоҳ Зуфар ва бошқаларнинг экстремистик ғоялари таъсирига тушиб бўлган эди. 2014 йилда у диний ақидапарастлик ғоялари таъсирида Сурияга ўтиб, террорчи гуруҳлар сафида жангларда иштирок этади.
Ҳозирда Азиз Тошкентбоевга нисбатан пойтахт ИИББ томонидан расмий қидирув эълон қилинган.
Сурияда террорчи гуруҳларга қўшилган яна бир қатор ўзбекистонликлар, хусусан, Абдуваҳоб Абдураҳимов, Жалолиддин Мансуров, Миролим Ўлмасов, Эркин Қодиров ҳам қидирувга берилган.
Изоҳ (0)