Норвегия антидопинг идоралари 1962 йилда вафот этган Эйнар Гундерсен ва 1983 йилда вафот этган Ёрген Ювени текшириш учун мамлакат футбол терма жамоасига етиб келди. Бу ҳақда терма жамоа бош мураббийи Столе Солбаккен маълум қилди, дея хабар беради ВГ.
-7jJWZVAy.webp)
“Қуйидаги футболчилар допинг текшируви учун танланган: Эрлинг Ҳоланд, Ёрген Ларсен, Антонио Нуса, Оскар Бобб, Эйнар Гундерсен ва Ёрген Юве”, деди Солбаккен. — Эйнар Гундерсен 1962 йилда вафот этган. Ёрген Юве 1983 йилда вафот этган. "Оскар Бобб жароҳат сабаб узоқ муддатга сафдан чиққан ва ҳозирги кунда “Барселона”да машғулот ўтказмоқда. Биз ҳайрон бўлдик ва Антидопинг хизмати билан боғландик”.
Антидопинг хизмати хатони тан олди.
Солбаккен бу қандай содир бўлганига тушунмаётганини маълум қилди.
“Унда улар энг яхши тўпурарлар рўйхатидаги барчани текшириши керак”, дея ҳазиллашди мураббий.
Маълумот учун, Ёрген Юве Норвегия тарихидаги энг яхши тўпурар ҳисобланади. Унинг ҳисобида 33 та гол бор. Эрлан Ҳоланд ҳисобида 31 гол мавжуд.
Миллатлар Лигасининг 1-турида Норвегия терма жамоаси ўз майдонида Қозоғистон термаси билан ўйнади ва дуранг қайд этди.
Изоҳ (0)