“Ал-Ҳилол” ҳужумчиси Неймарнинг профессионал фаолияти давомида ишлаб топган пули маълум бўлди.
Бразилиялик футболчи профессионал фаолиятини бошлаганидан бери 933,2 миллион евро ишлаб олди. Бу миқдор иш ҳақи, ҳомийлик ва бошқа барча даромад манбаларини ҳисобга олади.
Жорий мавсумда Неймар барча мусобақаларда бешта учрашувда қатнашиб, битта гол ва учта голли узатмага муаллифлик қилди. Бразилиялик футболчи жароҳат туфайли мавсумнинг катта қисмини ўтказиб юборди.
Аввалроқ Неймар Саудия Арабистони клубидан уни “Барселона”га қўйиб юборишини сўрагани ҳақида хабар берилган эди.
Неймар Каталония клуби билан Чемпионлар Лигаси ғолиблигини қўлга киритган.
Изоҳ (0)