Даниэль Карвахаль унга хочсимон тўқималар узилиши ташхиси қўйилганини маълум қилди.
“Реал Мадрид” клуби ҳимоячиси Ла Лиганинг 9-туридан ўрин олган “Вильярреал”га қарши ўйиннинг 90+3-дақиқасида Ереми Пино билан курашда тўпни қайтаришга уриниб, жароҳат олди. У ўнг тиззасини чангаллаб йиғлади. 32 ёшли испаниялик майдонни фақат замбилда тарк эта олди.
“Хочсимон пайларнинг жиддий жароҳати тасдиқланди. Мени операция қилишади ва бир неча ойни ўтказиб юбораман. Аллақачон тикланишни ва майдонга қайтишни интиқлик билан кутяпман.
Барчангизга катта раҳмат, мен сизнинг катта кўмагингизни ҳис қиляпман”, деб ёзди Карвахаль ижтимоий тармоқдаги саҳифасида.
Маълумот учун, ушбу учрашувда қироллик клуби 2:0 ҳисобида ғалаба қозонди.
Изоҳ (0)