Европа Иттифоқи Украинага ҳарбий юк етказиб беришга 42 миллиард евро сарфлаган, ёрдамнинг умумий ҳажми эса 110 миллиард еврога етган.
Бу ҳақда Европа Иттифоқи дипломатик хизмати раҳбари Жосеп Боррел Брюсселдаги анжуманда сўзлаган нутқида маълум қилди.
“Ҳозирги кунга қадар биз Украинага фақат ҳарбий эҳтиёжлар учун 42 миллиард евро юбордик, йил охирига келиб иқтисодий ва молиявий ёрдамни ҳисобласак, у аллақачон 110 миллиард еврога етади. Бу кўрсаткич АҚШ тақдим қилган ёрдамдам кўра кўпроқ”, деди Боррел.
Аввалроқ Жозеп Боррел Ғарбнинг ҳарбий ва иқтисодий ёрдами бўлмаса, Украинадаги уруш икки ҳафта ичида тугашини айтиб ўтганди.
“Кўпчилик бу можаронинг тезроқ тугашини хоҳлайди. Агар биз Украинани қўллаб-қувватлашни тўхтацак, 15 кундан сўнг уруш тугайди ва Путин ўз мақсадларига эришади. Бироқ биз украинлар учун шундай бўлишини хоҳлаймизми?”, деганди Боррел.
Европа дипломатиясининг раҳбари бундай сценарий Европа иттифоқи учун мутлақо мақбул эмаслигини таъкидлади. У Украинадаги можаронинг европаликлар хавфсизлигига ҳам алоқаси борлигини айтди.
Изоҳ (0)