Германиядаги федерал ҳудуд бўлган Турингия бош вазири Бодо Рамелов Европа давлатларини Россия билан ҳужум қилмаслик тўғрисида шартнома ҳамда мудофаа бирлашмасини тузишга чақирди.
Барча иштирокчи давлатлар ҳужум қилмаслик тўғрисида пакт тузишлари ва Европа қитъасидаги можароларни ҳал қилишга эътибор қаратадиган мудофаа ҳамжамиятини шакллантиришлари керак, деди Рамелов.
Унинг аниқлик киритишича, у НАТО мамлакатлари иттифоқига қарши эмас, лекин у Европа мудофаасини қайта ташкил этишга қарши.
Германияга миллий мудофааси учун армия керак. Шунинг учун мен Бундесвер яхши жиҳозланган бўлишини қатъиян ёқлайман. Аммо биз бутун Европа ҳақида ўйлашимиз керак, Россия ҳам бунинг бир қисми, дея таъкидлаган бош вазир.
Аввалроқ Германия ТИВ раҳбари Анналена Барбок Россияни Европа учун энг катта таҳдид деб билишини айтган. Мамлакат мудофаа вазири Борис Писториус ҳам бу ҳақда гапириб, “Россиянинг ҳақиқий таҳдиди” туфайли ҳарбий бюджетни оширишга чақирган.
Шу билан бирга, ЕИ дипломатияси раҳбари Жосеп Боррел Европа Иттифоқининг барча давлатлари ҳам Россияни экзистенсиал таҳдид деб ҳисобламаслигини таъкидлаган.
Россия ТИВ раҳбари Сергей Лавров Россиянинг Европада ҳеч қандай тажовузкор ёки босқинчилик режалари йўқлигини маълум қилган.
Изоҳ (0)