Украина ҳудудида ҳарбий можаро бошланганидан кейин Европа Иттифоқига аъзо давлатлар мудофаа соҳасида ишлаб чиқаришни 50 фоизга оширди, деди Европа дипломатияси раҳбари Жосеп Боррел.
Шу билан бирга, Боррел яқин келажакдаги асосий вазифа ишлаб чиқариш ҳажмини эмас, балки саноатни молиялаштиришни кўпайтириш эканини таъкидлади.
“Европа мудофаа саноати уруш бошланганидан бери ўз қувватини 50 фоизга оширди, бу ҳайратланарли даражада ўсишдир. Бугун бизда ишлаб чиқариш қуввати эмас, балки молия етишмайди. Бу асосий йўналиш ҳисобланади. Биз ҳамкорлик қилишимиз ва саноатнинг ўсиб бораётган талабни қондириш имкониятига эга бўлишини таъминлашга интилишимиз керак”, — деди Боррел Брюсселдаги матбуот анжуманида.
Бугун тақдим этилган ЕИ ҳарбий-саноат комплексини ривожлантириш стратегиясида 2030 йилга бориб аъзо давлатлар ҳамкорлик асосида мудофаа техникасининг камида 40 фоизини харид қилишни бошлашини назарда тутади. 2022 йилда мудофаа техникасининг атиги 18 фоизи ҳамкорлик орқали харид қилинган.
Бундан ташқари, олти йил ичида Европа Иттифоқи давлатлари ички бозордаги мудофаа савдосининг қиймати иттифоқнинг умумий мудофаа бозорининг камида 35 фоизини ташкил этадиган даражага етиши керак. Шунингдек, Европа Иттифоқи мамлакатлари 2030 йилгача мудофаа харидлари бюджетининг камида 50 фоизини ва 2035 йилга келиб 60 фоизини ўз корхоналарига ўзлаштириш бўйича барқарор тараққиётга эришиши режалаштирилган.
Изоҳ (0)