Давлат активларини бошқариш агентлиги давлат иштироки мавжуд бир нечта банклар балансидаги биноларни аукционда сотилгани юзасидан ахборот берди.
“Бизнесни ривожлантириш банки” АТБ балансидаги Навоий шаҳрида жойлашган бошланғич нархи 1,6 миллиард сўм бўлган меҳмонхона биноси 1 миллиард 700 миллион сўмга сотилган.
“Микрокредитбанк” АТБ балансидаги Чилонзор туманида жойлашган бошланғич нархи 98 миллиард сўм бўлган бино 102 миллиард 9 миллион сўмга сотилган.
АТ “Халқ банк” Фарғона вилояти балансидаги Қўқон шаҳрида жойлашган савдо мажмуаси аукцион савдоларида бошланғич нархи 21,5 миллиард сўм этиб белгиланган бўлиб, айтилганидан сал қимматроққа — 22 миллиард 6 сўмга сотилган.
Тошкент вилояти Юқори Чирчиқ туманида жойлашган бошланғич нархи 24 миллиард 6 миллион сўмлик “Асакабанк” АЖ балансидаги енгил конструкцияли иссиқхона биноси ва чорвачилик мажмуаси 25 миллиард 9 миллион сўмга сотилган.
Савдолардан кўринадики, аукционга қўйилган лотлар дастлабки баҳосидан кўра юқори бўлмаган нархларда сотилган.
Изоҳ (0)