“Дарё”да “Вазир Ҳилола Умарова мактаб ошхоналари аукционда сотилмаслигини айтганди. Сергели, Янгиҳаёт ва Бектемирда вазир топшириғига зид ишлар олиб борилмоқда” сарлавҳали мақола эълон қилинганди. Мактабгача ва мактаб таълими вазирлигининг Тошкент шаҳар бошқармаси мазкур мақолага муносабат билдирди.
Мазкур мақолада Янгиҳаёт тумани мактабгача ва мактаб таълими бўлими тасарруфидаги 3- ва 304-сонли умумтаълим мактаблари директори билан “Daryo.uz” вакиллари бориб суҳбатлашганлиги эълон қилинган. Ҳақиқатан жорий йилнинг 21 сентябрь куни “Daryo.uz” ходими мактаб директорлари билан суҳбат ўтказган ҳамда бўлим бошлиғи Д.Мустафаева билан ҳам телефон орқали гаплашган. Суҳбат давомида мактаб ошхоналарини ижарага бериш учун ва аукционга қўйиш бўйича бўлим бошлиғи томонидан йиғилиш ўтказиб топшириқ берилганлиги ёки топшириқ берилмаганлиги ҳақида сўраган. Унга кўра, бўлим бошлиғи томонидан ҳеч қандай йиғилиш ўтказилмаган ва ошхоналарни аукцион орқали ижарага бериш бўйича директорларга топшириқ берилмаган, дейилади бошқарма муносабатида.
Масъулларнинг билдиришича, Янгиҳаёт туманидаги 2-сонли мактаб ошхонасининг аукционда сотилишига мактаб раҳбариятининг вазир топшириғидан аввал, яъни 21 август куни ижара марказига шу мазмунда хат ёзгани сабаб бўлган.
Туман тасарруфидаги 2-сонли мактаб ошхонасини ижарага бериш бўйича 2024 йил 21 август куни давлат мулкини ижарага бериш марказига мактаб директори томонидан хат билан мурожаат қилинган, дейди масъуллар.
Қўшимча қилинишича, ҳозирда мактабгача ва мактаб таълими вазири топшириғи билан барча мактабларда ошхоналарни аукцион орқали ижарага бериш тўхтатилган.
Изоҳ (0)