Қашқадарё вилоятининг Шаҳрисабз шаҳрида “E-auksion” савдоси орқали ютиб олинган ер майдонини сотишни ваъда қилган шахс ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
![](/static/2024/08/08/департ3-HvuoyBPd.jpg)
Маълум қилинишича, фуқаро Х.Х. фуқаро А.А.нинг ишончига кириб, “E-auksion” савдоси орқали Шаҳрисабз тумани ҳудудидан ютиб олган 1,2 сотих ер майдонини гўёки кадастр идораларида ишловчи танишлари ёрдамида унинг номига расмийлаштириб бериши эвазига 1 500 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)