Елизавета II нинг тож кийиш маросимидаги бриллиант тақинчоқ аукционда 2,7 миллион долларга сотилиши мумкин (фото)

Елизавета II нинг тож кийиш маросимидаги қимматбаҳо бриллиант тақинчоқ Sotheby’s кимошди савдосида сотувга қўйилади. Аукцион ноябрь ойида бўлиб ўтади, деб хабар берди “Правила жизни”.

Мутахассисларнинг фикрича, ушбу зеб-зийнатнинг нархи анча юқори баҳоланган. Дастлабки ҳисоб-китобларга кўра, олмос тақинчоқ қиймати 1,5 миллиондан 2,7 миллион долларгача етади.

500 та бриллиант тошлар билан безатилган 300 каратли заргарлик буюми Англо-Уэлс аристократик оиласининг Англси маркизи (Бирлашган қиролликдаги унвон) га тегишли бўлган. Англси оиласи аъзолари мазкур тақинчоқни икки марта — 1937 йилда қирол Георг VI ва 1953 йилда унинг қизи қиролича Елизавета II тож кийиш маросимида омма олдида тақилган. 1960 йилларда Англси уни сотиб юборган ва шундан кейин тақинчоқ бошқа ишлатилмаган.

Баъзи тарихчиларнинг фикрича, тақинчоқ қисман бошқа заргарлик буюмларида ишлатиладиган олмосдан ясалган бўлиши мумкин. Масалан, у француз қироличаси Мария Антуанеттага атаб ясалган билакузукдан қайта ясалгани тахмин қилинади. Француз инқилобидан аввал Антуанетта тақинчоқ ўғрилигида айбланган. Аслида эса у фирибгарлар томонидан олиб қўйилган.

Аукцион Женевадаги Sotheby’s дўконида бўлиб ўтади. Ундан олдин эса машҳур заргарлик буюми турли шаҳарлар — Лондон, Гонконг, Нью Йорк, Сингапур ва Дубайда намойиш этилади.