“Тахтлар ўйини” мухлислари учун ажойиб янгилик. HBO машҳур фильмда ишлатилган буюмларни аукционга қўйди. Ҳар ким севимли сериалидаги бирорта буюмни сотиб олиш имкониятига эга.
Аукционга 2000 дан ортиқ лот, жумладан, афсонавий қуроллар, совутлар, либослар ва ноёб буюмлар қўйилган. Савдо аллақачон бошланган. Бошланғич нарх 500 доллар. Аммо бу ҳали ҳаммаси эмас. Қироллик Гвардиясидан Жайме Ланнистернинг тўлиқ анжомларидан иборат энг қимматбаҳо лот 20 000 долларга баҳоланмоқда. Бу фақат бошланғич нарх холос.
Бундан ташқари, коллекцияда персонажларнинг либослари ҳам намойиш этилган. Улар орасида Серсей Ланнистер, Санса Старк ва Дейенерис Таргариенларга тегишли кийимлар ҳам бор. Айтганча, Дейенерис билан боғлиқ бошқа лотлар ҳам мавжуд: масалан, 3600 долларлик аждар тухуми ва 2100 долларга кичик Дрогон макетини харид қилишингиз мумкин.
Аукцион 10 октябрдан 12 октябргача давом этади.
Изоҳ (0)