Муваффақиятли фильмдан кейин ўз вақтида саҳнадан кетиш — тўғри қарор. Бироқ қуйидаги картина ижодкорлари мухлисларни хурсанд қилишга қарор қилган кўринади.
“Битлжус Битлжус”
Тим Бёртон яна қайтди. Режиссёр қаергадир йўқолгани йўқ, лекин у “Битлжус”нинг иккинчи қисми ғоясини узоқ вақтга қолдирганди. Биринчи фильм чиққанига 36 йил бўлди. Шунга қарамай, эски жамоани йиғишга муваффақ бўлинди. Лидия ролида Вайнона Райдер, Делияни ижро этган Кетрин O’Хара ва Биттлжуснинг ўзи — Майкл Китон фильмга қайтди.
“Қаттиққўл хоним”
Энн Хетеуэй компьютер графикаларидан фойдаланиш қарши. “Қаттиққўл хоним” фильмини давом эттириш ҳақида гап кетганида у бу масалага алоҳида тўхталган:
“Мен бу фильм бошқа даврга тегишли деб ўйлайман, тушуняпсизми? Ҳозирда ҳамма нарса шунчалик рақамли бўлиб қолди, бу эса инсон қўли билан яратиладиган ижодий ишларни чеклайди”.
Бироқ UsMagazine журналига кўра, актриса иккинчи қисмда иштирок этиш бўйича музокаралар олиб бормоқда. Бундан ташқари, Эмили Блант ва Мерил Стрип ҳам рози бўлган.
“Миранда қайтмоқда,” деб ёзди у ижтимоий тармоқларда.
“Маликанинг кундалиги 3”
Аммо актриса бошқа фильми ҳақида лом-мим демади. Энн Хетеуэй “Маликанинг кундалиги” фильмининг давоми сифатидаги ролини биринчи бўлиб ижтимоий тармоқларда видео эълон қилиб тасдиқлади.
Қолган актёрлар ҳозирча ҳеч қандай баёнот беришмади. Фильмга “Жаннат ва сўнгги аждарҳо” мультфильми устида ишлаётган Адел Лим режиссёрлик қилган. Сценарийнавис “Юлдуз ёрдамчиси” фильми билан танилган — Флора Грисон.
“Брижит Жонс кундалиги 2”
Биринчи фильм чиққанидан бери 20 йилдан ортиқ вақт ўтди, аммо Брижит Жонснинг муаммолари ҳамон ўша-ўша. Биттасидан ташқари — энди унинг болалари бор.
“Менимча, “Брижит” учун бу сценарий тўртта сценарий ичида энг яхшиси. Сюжет қаҳрамоннинг икки болани тарбиялашга уринишига асосланган, кейин эса буларнинг барчаси Брижит Жонс услубидаги комедия билан аралашиб кетган, шунинг учун бу жуда қайғули ва жуда кулгили. Тўғрисини айтсам, мен ҳатто йиғлаганман”, дейди Хью Грант.
Ундан ташқари, Рене Зеллвегер, Жеймс Келли, Ширли Хендерсон ва бошқалар ролларга қайтишади. Хуллас, Брижит Жонс дўстлари билан яна экранларга чиқди.
Изоҳ (0)