Фильм суратга олиш узоқ ва машаққатли жараён. Биз фақат тайёр картинани кўрамиз ва саҳна ортида нималар бўлганини тасаввур ҳам қилолмаймиз. Масалан, Энн Хетеуэй жуда машҳур фильмдаги роли учун аввал семириб, кейин озганини кўпчилик билмайди.
Энн Хетеуэй “Қаттиққўл хоним” фильмидаги роли учун аввалига 5 килога семирган, кейин эса 5 килога озган
Фильмнинг охирига келиб, нафақат услуб, балки бош қаҳрамоннинг ташқи кўриниши ҳам сезиларли ўзгаришларга учрайди. Суратга олишдан олдин продюсерлар актрисадан 5 килога семиришни сўрашган. Аммо улар фильмнинг иккинчи қисмини суратга олишни бошлаганларида, Энн дизайнерлик кийимларида чиройли кўриниши учун имкон қадар тезроқ озиши кераклигини айтди.
Райан Гослинг “Хотира кундалиги”да кўз рангини ўзгартирган
Суратга олиш вақтида Райан кўк кўзларини яшириш учун контакт линза тақиб юрган. Буларнинг ҳаммаси кексаликда Ной ролини ўйнаган жигарранг кўзли ҳамкасби Жеймс Гарнерга мос келиш учун қилинади.
Малефисентанинг шохлари ва ёноқлари дизайнер ҳамда визажистлар учун қийинчилик туғдирган
Эҳтимол, шохлар Малефисента образининг энг эсда қоларли қисмидир. Жамоа олдига суратга олиш вақтида Анжелина чарчамаслиги учун имкон қадар енгил қилиш вазифаси қўйилади. Шунинг учун материал сифатида уретан смоласидан фойдаланилган.
Кўплаб уринишлардан сўнг визажистлар шохларни кичик шляпага ўрнатишади, шохлар магнитлар билан шляпага бириктирилган, шунда уларни танаффуслар орасида ечиб қўйиш мумкин эди.
Сохта ёноқ суяклари имплантлар тайёрлаш учун ишлатиладиган силикондан қилинган. Материал шаффоф ва тери рангига ўхшаш бўлгани учун бўёқлардан фойдаланишга ҳожат йўқ эди.
Марго Робби “Тоня ҳаммага қарши” фильми учун кўз шаклини ўзгартиришга мажбур бўлган
Машҳур фигурали учувчи Тоня Хардинг ҳаётининг турли даврларини тасвирлаш учун суратга олиш гуруҳи баъзи ҳийла-найрангларга мурожаат қилди. Мисол учун, қаҳрамон катта бўлган саҳналарда Марго бурни, ёноқлари ва ҳатто бўйнига протез кийган.
Одатдаги қуюқ ранглар ўрнига актрисанинг ёноқлари ва бурунларига енгилроқ воситалар қўлланилган. Бундан ташқари, Тоняга кўпроқ ўхшаш учун актрисанинг кўз бурчаклари елим билан пастга тортилган.
Бен Аффлек “Армагеддон” фильмидаги табассумини чиройли қилиш учун 20 минг доллар тўлаган
Фильм режиссёри Майкл Бей қаҳрамонлар ҳақида ўз тасаввурига эга эди. У Бен Аффлекнинг қаҳрамонини қуёшда чиниққан гавдали ва қордек оппоқ табассумли бақувват эркак сифатида тасаввур қилади. Шу сабабли актёр ўзини мукаммал жисмоний шаклга келтириши керак эди, шунингдек, тишларини оқартириши керак эди.
Байнинг сўзларига кўра, стоматолог хизматлари актёрга 20 минг долларга тушган. Қизиғи, қаҳрамон дунёни қутқариб қолган саҳналардагина унинг мукаммал тишларни кўриш мумкин. Фильмнинг қолган қисмида Аффлек табиий тишлари билан намоён бўлади.
“Олтинчи туйғу”нинг баъзи саҳналари нолдан паст ҳароратда суратга олинган
Фильмдаги актёрларнинг нафаси кўринган саҳналар “совиткич” павильонларида суратга олинган. Бутун суратга олиш гуруҳи улкан плёнка билан қопланган, кейин хонага музли ҳаво юборилган ва актёрлар ўша хонага киришган. Шунинг учун қаҳрамонларнинг совқотгани ишонарли чиққан.
Крис Эванс “Қасоскорлар” фильмининг сўнгги саҳнасини суратга олиш учун пластик жағ қўйдиришига тўғри келган
Фильм охирида қаҳрамонлар ресторанда ўтириб, шаурмадан завқланаётган саҳна кўринади. Бу кадр кескин финалдан кейин Қасоскорлар қанчалик чарчаганини кўрсатиш учун сўнгги дақиқада қўшилган. Агар диққат билан қарасангиз, капитан Америкадан ташқари ҳамма овқатланаётганини кўриш мумкин. Чунки бу эпизод суратга олинаётганда Крис Эванс аллақачон бошқа ролга тайёргарлик кўраётган ва соқолини ўстирганди. Актёрнинг соқолини жағ протези остига яширишга тўғри келган.
Изоҳ (0)