Баъзан керакли вақтда керакли жойда бўлишнинг ўзи ҳам оламшумул машҳурлик олиб келиши мумкин.
Ҳит Лежер —Жокер
Кристофер Нолан Ҳит Лежерни Жокер ролига тасдиқлаганини эълон қилганида, DS Comics мухлислари интернетда қаттиқ норозилик билдиришади: “Жокер ролида қандайдир ёқимтой бола? Бўлиши мумкинмас!”; “Жокер — қўрқув уйғотадиган актёр ижро этиши керак бўлган қаҳрамон. Шунчаки омади келган йигитча эмас.”
Аммо фильм кинотеатрларга чиқиши билан ўша мухлислар тилларини тишлашга мажбур бўлган. 2009 йил февраль ойида Жокер Лежерга иккинчи пландаги энг яхши эркак роли учун вафотидан кейин “Оскар”ни тақдим этди.
Гал Гадот — Мўъжизакор аёл
Aмазонкалар маликаси Диана роли учун фильм продюсерлар Сандра Буллок, Кетрин Зета-Жонс, Анжелина Жоли, Бейонсе ва ҳатто Мерайя Керини ҳам синаб кўришган. 2013 йилда режиссёр Зак Снайдер ниҳоят исроиллик актриса ва модел Гал Гадот “Мўъжизакор аёл” ролини ўйнашини эълон қилади. Бу ҳам мухлислар норозилигига сабаб бўлади: улар Гадотнинг нозик ва озғинлигини танқид қилишади.
Бироқ Гадот бу ҳужумлардан қўрқмайди. Натижада унинг амазонка маликаси образи “Бэтмен Суперменга қарши” фильмидаги энг ҳайратланарли образлардан бирига айланади ва кейинги “Мўъжизакор аёл” суперқаҳрамонлар киноси тарихидаги энг кўп даромад келтирган фильмлар бешлигига киради.
Майкл Китон — Бэтмен / Брюс Уэйн
1989 йилда Майкл Китон жамоатчиликка комедик актёр сифатида танилганди. Режиссёр Тим Бёртон кейинги Бетменни Майкл ўйнашини эълон қилганида, мухлислар Warner Bros кинокомпаниясини норозилик хатлари билан тўлдириб юборишади — жами 50 мингдан ортиқ хат келади.
Бироқ барча қўрқувлар беҳуда бўлиб чиқади. Бетмен ролидаги Китон ва Жокер ролидаги Жек Николсон дуети Готем суперқаҳрамонлари тарихидаги энг муваффақиятлилардан бирига айланади.
Мерил Стрип — Миранда Пристли
2023 йил декабрь ойида “Қаттиққўл хоним” (2006) продюсери Венди Финерман “Gollywood Gold” подкастида режиссёрлар дастлаб Миранда Пристли ролини Мерил Стрип ижро этишини хоҳламаганликларини айтади.
Лорен Вайсбергернинг шу номдаги китоби асосида режиссёр Дэвид Фрэнкел томонидан суратга олинган “Қаттиққўл хоним” фильми 2006 йилда чиқарилган. У Мерил Стрипга комедиядаги энг яхши аёл роли учун “Олтин глобус” мукофотини ва энг яхши бош ролдаги актриса учун “Оскар” номинациясини тақдим этади.
Дэниел Крейг — Жеймс Бонд
2005 йилда Пирс Броснаннинг давомчиси Бонд мухлисларига шунчалик ёқмайдики, улар ҳатто craignotbond.com веб-сайтини яратиб, у ерда Дэниел Крейгга нисбатан норозилик билдиришади.
Аммо Дэниел Крейг ижро этган “Рояль казиноси” фильми бутун дунё бўйлаб 600 миллион доллардан ортиқ даромад келтирган ҳолда тарихдаги энг юқори даромадли Бонд ҳақидаги фильмга айланади.
Марк Руффало — Халк
Драмалардаги роллари билан машҳур бўлган актёр Марк Руффало учун улкан, яшил йиртқич махлуқ ролини ўйнаш дастлабки тажриба эди. “Бу жуда жасур ёки ноадекват танлов”, деб ёзганди ўша пайтда Daily Telegraph журналисти.
Продюсерларнинг жасорати ўзини оқлайди. Руффало ижро этган Халк Marvel’нинг энг яхши образларидан бирига айланади.
Кичик Роберт Дауни — Темир одам
1990 йилларда киностудиялар кичик Дауни билан ҳамкорлик қилишни истамайди: кокаинга қарамлик, маст ҳолда машина ҳайдаганлик учун жарималар ва уйларга бостириб кириш айбловлари актёрнинг обрўсини туширганди.
Бироқ Жон Фавро таваккал қилишга қарор қилади ва ўзининг “Темир одам” фильмида бош ролга кичик Даунини тасдиқлайди ва у адашмайди. Тони Старк ҳақидаги фильмлар Marvel’нинг энг муваффақиятли мослашувларидан бири ҳисобланади ва Робертнинг ўзи 2015 йилда дунёдаги энг кўп маош олувчи актёрлар рўйхатида етакчилик қилган.
Изоҳ (0)