Muvaffaqiyatli filmdan keyin o‘z vaqtida sahnadan ketish — to‘g‘ri qaror. Biroq quyidagi kartina ijodkorlari muxlislarni xursand qilishga qaror qilgan ko‘rinadi.
“Bitljus Bitljus”
Tim Byorton yana qaytdi. Rejissyor qayergadir yo‘qolgani yo‘q, lekin u “Bitljus”ning ikkinchi qismi g‘oyasini uzoq vaqtga qoldirgandi. Birinchi film chiqqaniga 36 yil bo‘ldi. Shunga qaramay, eski jamoani yig‘ishga muvaffaq bo‘lindi. Lidiya rolida Vaynona Rayder, Deliyani ijro etgan Ketrin O‘Xara va Bittljusning o‘zi — Maykl Kiton filmga qaytdi.
“Qattiqqo‘l xonim”
Enn Xeteuey kompyuter grafikalaridan foydalanish qarshi. “Qattiqqo‘l xonim” filmini davom ettirish haqida gap ketganida u bu masalaga alohida to‘xtalgan:
“Men bu film boshqa davrga tegishli deb o‘ylayman, tushunyapsizmi? Hozirda hamma narsa shunchalik raqamli bo‘lib qoldi, bu esa inson qo‘li bilan yaratiladigan ijodiy ishlarni cheklaydi”.
Biroq UsMagazine jurnaliga ko‘ra, aktrisa ikkinchi qismda ishtirok etish bo‘yicha muzokaralar olib bormoqda. Bundan tashqari, Emili Blant va Meril Strip ham rozi bo‘lgan.
“Miranda qaytmoqda,” deb yozdi u ijtimoiy tarmoqlarda.
“Malikaning kundaligi 3”
Ammo aktrisa boshqa filmi haqida lom-mim demadi. Enn Xeteuey “Malikaning kundaligi” filmining davomi sifatidagi rolini birinchi bo‘lib ijtimoiy tarmoqlarda video e’lon qilib tasdiqladi.
Qolgan aktyorlar hozircha hech qanday bayonot berishmadi. Filmga “Jannat va so‘nggi ajdarho” multfilmi ustida ishlayotgan Adel Lim rejissyorlik qilgan. Ssenariynavis “Yulduz yordamchisi” filmi bilan tanilgan — Flora Grison.
“Brijit Jons kundaligi 2”
Birinchi film chiqqanidan beri 20 yildan ortiq vaqt o‘tdi, ammo Brijit Jonsning muammolari hamon o‘sha-o‘sha. Bittasidan tashqari — endi uning bolalari bor.
“Menimcha, “Brijit” uchun bu ssenariy to‘rtta ssenariy ichida eng yaxshisi. Syujet qahramonning ikki bolani tarbiyalashga urinishiga asoslangan, keyin esa bularning barchasi Brijit Jons uslubidagi komediya bilan aralashib ketgan, shuning uchun bu juda qayg‘uli va juda kulgili. To‘g‘risini aytsam, men hatto yig‘laganman”, deydi Xyu Grant.
Undan tashqari, Rene Zellveger, Jeyms Kelli, Shirli Xenderson va boshqalar rollarga qaytishadi. Xullas, Brijit Jons do‘stlari bilan yana ekranlarga chiqdi.
Izoh (0)