Шундай фильмлар борки, улар томошабинлар қалбида алоҳида ўрин тутади. Лекин севимли фильмларимиздан завқланар эканмиз, баъзан сюжет ёки яратилиш тарихининг айрим тафсилотларига эътибор бермаймиз. Аммо айнан улар қаҳрамонларнинг характери ва ҳаракатлари, фильм воқеалари ҳақидаги тушунчамизни тубдан ўзгартириши мумкин.
Калленлар кўпроқ париларга ўхшайди
“Сумерки” мухлислари Калленлар вампирлар эмас, аслида пари эканлиги ҳақидаги назарияни ўйлаб топди. Мифологияга кўра, вампирлар қуёш нури таъсирида учқунланмайди — улар ёниб, чангга айланади. Аммо парилар одатда ёрқин жонзотлар сифатида тасвирланган, айниқса ёруғликда.
Бошқа бир далилларга кўра париларнинг айрим турлари қон билан озиқланиши ҳақиқат. Улар, шунингдек, одамларга бўлган иштиёқи билан машҳур. Бу Эдварднинг Беллага бўлган севгисини изоҳлай олади. Ниҳоят вампирлардан фарқли ўлароқ, бу қаҳрамонлар суперкучга эга бўлади — Эдвард фикрларни ўқий олади, синглиси Элис эса келажакни кўра олади.
Белла Свон ярим бўри бўлиши мумкин
“Сумерки” мухлислари орасида яна бир назария, Белла қисман бўри эканлиги ҳақида. Асосий далиллардан бири шундаки, фақат бўрилар эга бўлган ақл бовар қилмайдиган куч Беллага вампир боласини дунёга келтиришга имкон беради.
Бу фикрга яна бир далил бор. Кейинчалик Жейкоб Белланинг қизи Ренесмида намоён бўлади. Мухлисларнинг фикрига кўра, агар қизга бўри гени онасидан ўтмаганида, у буни қила олмаган бўларди.
Жек ҳеч қачон Роузга севги изҳор қилмайди
“Титаник”ни ҳақли равишда кино тарихидаги энг романтик фильмлардан бири деб аташ мумкин. Гарчи Жек Роузни биринчи кўришдаёқ севиб қолганига шубҳа қилмасак-да, бутун фильм давомида у ҳеч қачон қизга бўлган севгисини тан олмаган. Ҳатто охирида иккаласи Атлантика сувларида музлаб қолганида ҳам айтмайди, аксинча Роузнинг ўзи: “Сени севаман” дейди.
Бу нарса оддийгина тушунтирилади: Жек ўз ҳис-туйғуларини хатти-ҳаракатлар орқали ифодалайдиганлардан бири. У ҳар доим биринчи навбатда Роузга ғамхўрлик қилади ва уни қутқаради. Энг муҳими, Жек қизни севишини ҳис қилади, шу билан бирга унга танлаш эркинлигини беради. Шундай қилиб, Роузнинг иқрорига жавобан, Жек уни ҳеч қачон таслим бўлмаслик ва кексаликка қадар бахтли яшашга кўндиради. Жекнинг асл мақсади Роузга узоқ кутилган эркинлигини топишга ёрдам бериш эди.
“Podium” журналининг офиси Vogue таҳририятининг аниқ нусхаси
“Қаттиққўл хоним” фильмидаги “Podium” журналининг прототипи дунёга машҳур Vogue журналидир. Таҳририятга киришга муваффақ бўлган ягона одам — фильм продюсери Жесс Гончор эди. У Vogue’нинг Америкадаги бош муҳаррири Анна Винтурнинг офисига яширинча киради. Кейин у жойни шунчалик ўхшатиб қайта яратадики, миш-мишларга кўра, Анна фильм чиққандан сўнг дарҳол офисини таъмирлатган.
Северус Снейп Феникс орденига киши билмас ёрдам беради
“Гарри Поттер ва ажал туҳфаси”да Снейпни ижобий қаҳрамон деб биладиган Поттер мухлисларининг фикрини яна бир бор тасдиқловчи саҳна бор. Гарри қасрга киргач, Северус барча Ҳогварц талабаларини йиғиб, болани топширишни талаб қилади. Поттернинг ўзи сафни бузади ва шу тариқа Снейпга қарши чиқади. Профессор Макгонагал бошчилигида слизеринликлардан бошқа ҳамма Гарри томонига ўтади.
Mинерва ва Северус ўртасида дуэл бошланади. Умуман олганда, Снейп фақат ўзини ҳимоя қилади ва ҳеч қачон қалъадагиларга қарши сеҳр ишлатмайди. Бу шуни кўрсатадики, Северус Феникс орденига ёрдам беришга ҳаракат қилган, у ҳеч ким Поттерга зарар етказишга улгурмаслиги учун Гаррини беришни талаб қилган бўлиши мумкин.
“Жоду салтанати” актёрларига сеҳргарлик ўргатилган
Албатта, “Жоду салтанати” фильмида роль ўйнаган актёр ва актрисалар сеҳргарликни том маънода ўрганмаган. Аммо уларнинг баъзилари махсус ўқув-машғулотда қатнашишлари керак эди, уларга сеҳрли таёқни қандай ҳаракатлантириш ва тўғри ишлатиш кераклиги кўрсатилган.
Кевинни ота-онаси унутиб қолдирганининг сабаби бор
“Уйда ёлғиз” комедиясининг бошида Кевин акаси Базз билан жанжаллашиб қолади. Натижада столдаги сут паспорт ва авиачипталарга тўкилиб кетади. Ҳамма нарсани тозалашга ва ҳужжатларни сақлашга уринган ота адашиб Кевиннинг чиптасини бир даста нам салфеткалар билан бирга ахлатга ташлаб юборади: унинг номи чипта ахлат қутисида бўлганида кўринади. Кевин хафа бўлиб, чордоққа кириб олади ва унинг йўқлиги фақат парвоз пайтида маълум бўлади.
Буни олдин ҳеч ким пайқамагани энди тушунарли бўлди. Эрталаб ота-оналар фарзандларини санаб, қўшни болани Кевин деб адаштиради. Аммо аэропортда ходим самолёт чипталари ва йўловчилар сонини текширганда, нима учун битта одам етишмаётганига ҳайрон бўлмайди. Ахир дадаси Кевиннинг чиптасини бир кун олдин ташлаб юборганини билмайди.
Рик O’Коннеллни Леонардо Ди Каприо ўйнаши мумкин эди
“Мумиё” ва “Мумиёнинг қайтиши” фильмлари бош қаҳрамонларидан бири — саргузашт изловчи жасур капитан Рикни Брендан Фрэйзер ижро этган. Бироқ Леонардо Ди Каприо унинг ўрнини эгаллаши мумкин бўлгани ҳақида маълумотлар бор: 1-қисм суратга олинганида ушбу ролни ўйнашга Ди Каприо биринчилардан бўлиб таклиф қилинган.
Уларнинг сўзларига кўра, актёрга сценарий ёққан ва лойиҳада иштирок этишни хоҳлаган, аммо ўша пайтда у “Пляж” фильмига розилик бериб қўйганди. “Пляж” фильми продюсерлари Леонардонинг “Мумиё” фильмидаги ишни якунлаши учун суратга олишни кейинга қолдириш ҳақидаги илтимосини рад этгани учун актёр мазкур фильмдан воз кечади.
Изоҳ (0)