Кўплаб Голливуд юлдузлари карьерасини ёшлигидан бошлаган. Улар илк марта экранга чиққан вақтида ҳозиргидан анча бошқача ко ъринишга эга бўлган. “Яндекс Дзен” нашри Голливуд актрисалари дебют ролини ижро этган вақтда қандай кўринишга эга бўлгани акс этган суратларни тўплади.
Натали Портман — “Леон”
1994 йилда “Леон” фильми экранларга чиқди. Фильм режиссёри Люк Бессон лойиҳадаги Матилда ролига қиз қидираётган эди. Сценарийга кўра, бош қаҳрамон ўн уч ёки ўн тўрт ёшда бўлиши керак эди. Натали Портман фильмнинг кастингига келганида режиссёр уни рад этган, чунки у актрисанинг ўн бир ёшда қотилга ошиқ бўлган қиз ролини ижро этиши қийин бўлишига ишонган. Бироқ ҳали тажрибага эга бўлмаган қиз ўзининг ажойиб актёрлик маҳоратини намойиш эта олди ва иккинчи уринишда лойиҳага қабул қилинди. Шундан сўнг Натали Портман бошқа фильмларда рол ўйнай бошлади ва катта муваффақиятларга эришди.
Сирша Ронан — “Бадал”
“Бадал” — Кира Найтли ва Жеймс Макевоем иштирокидаги драматик фильм. Фильм қизалоқнинг алдови туфайли бирга бўлолмайдиган севишганлар ҳақида ҳикоя қилади. Сирша Ронан сўзлари ва ҳаракатлари бутун ҳаётига таъсир қилган ўн икки ёшли ўсмир ролини ижро этди. Ёш актриса бу ролидан кейин “Оскар” мукофотига номзодлик қилди ва ижобий баҳоларга сазовор бўлди. Сирша бу ижроси билан тўхтаб қолмади ва ҳозирги кунгача ўз роллари билан мухлисларни ҳайратда қолдиришда давом этмоқда.
Кирстен Данст — “Вампир билан интервью”
1994 йилда Энн Райснинг “Вампир билан интервью” фильми маҳоратли актёрлар таркиби билан томошабинлар эътиборини тортди. Кирстен Данст кастинг пайтида жуда хавотирда эди. Бундан ташқари, у кўпчилик қизлардан бўйи билан ажралиб турарди. Яхшиямки, Том Круз актрисанинг ёнида ниманидир кўрган ва уни қўлига олганида оёқларини букишни маслаҳат берган. Актриса ҳаяжонни енга олди ва бу ролни қўлга киритди. Данстнинг сўзларига кўра, суратга олиш жараёнида Том Круз ва Бред Питт унга жуда меҳрибонлик кўрсатган. Актёрлар Кирстеннинг қўрқмаслиги учун унинг кайфиятини кўтаришга ҳаракат қилган.
Вайнона Райдер — “Катта оловли шарлар”
Вайнона Райдер кино оламидаги дебютини 1989 йилда қилган, унинг биринчи йирик лойиҳаси “Катта оловли шарлар” фильми эди. Актриса фильмда машҳур актёрлар билан рол ўйнаган. Вайнона ўз қобилиятлари туфайли мақтовга сазовор бўлди ва кўпчилик унинг муваффақиятли карьера қура олишига ишонди. Бу ҳақиқатга айланди, кўзлари катта қизалоқ аста-секин профессионал соҳада муваффақиятга эриша бошлади ва ўзини турли лойиҳаларда синаб кўрди. Вақт ўтиши билан Райдер дам олишга қарор қилиб, ижодида танаффус эълон қилди. У 2016 йилдан буён машҳур “Ғалати иш” сериалида суратга тушди.
Эмили Блант – “Қиролича Римга қарши”
Британиялик актрисанинг дебюти бундан йигирма йил олдин “Қиролича Римга қарши” телевизион лойиҳасида бўлди. 2006 йилда Эмили “Қаттиққўл хоним” фильмида рол ўйнади. Вақт ўтиши билан Блант янада ёрқин образларда намоён бўла бошлади. Актриса иштирокидаги суратга олиниши режалаштирилаётган фильмлар орасида атом бомбаси яратувчисининг рафиқаси Кетрин Оппенгеймер ролини таъкидлаш мумкин. Кристофер Ноланнинг янги кинокартинаси қизиқарли актёрлар таркибига эга.
Жессика Честейн — “Пуаро”
Жессика Честейн ўрта мактабни битириши биланоқ ота-онасига қарам бўлмасдан, ўзи пул топишга қарор қилган. Албатта, дастлаб унга жуда қийин бўлди, бироқ у ҳамма нарсани ҳал қилди. Кейин Жессика турли хил телевизион лойиҳаларда иштирок эта бошлади ва ҳатто шоуларнинг бирида ўлик инсон ролини ўйнади. Актриса 2011 йилда катта машҳурликка эришди, “Хизматкор” фильмидаги содда ва тор фикрли уй бекаси роли туфайли у томошабинларнинг эътиборига тушди. Шундан кейин Жессика нафақат фильмларда, балки телевидениеда ҳам катта талабга эга актрисага айланди.
Кейт Бекинсейл — “Товламачилик”
Кейт Бекинсейл — замонамизнинг энг гўзал актрисаларидан бири. Вақт унга ҳеч қандай таъсир кўрсатмайди, актриса йиллар ўтган сари ёшариб бормоқда. 1991 йилда Кейт ўзининг биринчи лойиҳаси “Шамолга қарши” фильмида рол ўйнади. Вақт ўтиши билан Бекинсейл ўзининг шахсий фильмографиясини янада қизиқарли фильмлар билан кенгайтира бошлади. 1997 йилда актриса бир оз бошқача услубда кўриниш берди. Калта соч турмаги ва йигитча услуб билан мухлислари қаршисига чиққан актриса “Фирибгарлик” фильмида суратга тушди.
Изоҳ (0)