Toshkent shahar sport boshqarmasi majlislar zalida Xalqaro Turon federatsiyasini tashkil etishga bag‘ishlangan konferensiya o‘tkazildi.
Konferensiyada federatsiyani tashkil etish, federatsiya nizomi, gerbini va prezidentini tasdiqlash masalalari ko‘rib chiqildi.
Konferensiyada so‘zga chiqqan murabbiy F.Niyazimbetov tashkilot nizomi xalqaro va AQSH qonunlari asosida qayta ishlab chiqilganligini aytib o‘tdi va nizom bir ovozdan ma‘qullandi.
Xalqaro Turon federatsiyasining gerbi yig‘ilganlarda ijobiy taassurot qoldirdi. Gerb markazida ikki sportchini ifodalovchi inson figuralari tasvirlangan. Chap tomonda ko‘k rangda, o‘ng tomonda esa qizil rangda tasvirlangan bu figuralar yuqoriga intilayotgan ko‘rinishda, ular orasida esa yer sayyorasi aks etgan. Qit’alari ko‘k va oltin/sariq rangda ko‘rsatilgan kichik globus joylashgan. Aylana shaklidagi dizaynning yuqori qismida “TURON” so‘zi yirik qora harflarda yoy shaklida joylashgan.
Markaziy tasvir ostida “ITF” qisqartmasi yirik harflarda yozilgan bo‘lib, undan pastda to‘liq nom — “INTERNATIONAL TURON FEDERATION” yozuvi joylashgan. Emblemaning ikki chetida g‘oliblik, yutuq va sportdagi muvaffaqiyatni ifodalovchi an‘anaviy ramz — oltin rangdagi zaytun/g‘alaba novdalari mavjud.
Konferensiya ishtirokchilari bir ovozdan Farrux Niyazimbetov nomzodini Xalqaro Turon federatsiyasi prezidentligiga ma‘qulladi.
Konferensiya kun tartibiga qo‘yilgan masalalar yuzasidan bildirilgan fikr-mulohazalar inobatga olinib, F.Niyazimbetovga Xalqaro Turon federatsiyasi a‘zolarining ro‘yxatini shakllantirish, AQSHning Nyu York shahrida yangi tashkilotni davlat ro‘yxatidan o‘tkazish, shuningdek qisqa muddatda Toshkentda Turon sporti bo‘yicha birinchi tarixiy Jahon kubogi musobaqasini yuksak saviyada o‘tkazish vazifasi yuklandi.
Otabek Eshmamatov, AQSHdan maxsus
Izoh (0)