Тошкент шаҳар спорт бошқармаси мажлислар залида Халқаро Турон федерациясини ташкил этишга бағишланган конференция ўтказилди.
Конференцияда федерацияни ташкил этиш, федерация низоми, гербини ва президентини тасдиқлаш масалалари кўриб чиқилди.
Конференцияда сўзга чиққан мураббий Ф.Ниязимбетов ташкилот низоми халқаро ва АҚШ қонунлари асосида қайта ишлаб чиқилганлигини айтиб ўтди ва низом бир овоздан маъқулланди.
Халқаро Турон федерациясининг герби йиғилганларда ижобий таассурот қолдирди. Герб марказида икки спортчини ифодаловчи инсон фигуралари тасвирланган. Чап томонда кўк рангда, ўнг томонда эса қизил рангда тасвирланган бу фигуралар юқорига интилаётган кўринишда, улар орасида эса ер сайёраси акс этган. Қитъалари кўк ва олтин/сариқ рангда кўрсатилган кичик глобус жойлашган. Айлана шаклидаги дизайннинг юқори қисмида “ТУРОН” сўзи йирик қора ҳарфларда ёй шаклида жойлашган.
Марказий тасвир остида “ITF” қисқартмаси йирик ҳарфларда ёзилган бўлиб, ундан пастда тўлиқ ном — INTERNATIONAL TURON FEDERATION ёзуви жойлашган. Эмблеманинг икки четида ғолиблик, ютуқ ва спортдаги муваффақиятни ифодаловчи анъанавий рамз — олтин рангдаги зайтун/ғалаба новдалари мавжуд.
Конференция иштирокчилари бир овоздан Фаррух Ниязимбетов номзодини Халқаро Турон федерацияси президентлигига маъқуллади.
Конференция кун тартибига қўйилган масалалар юзасидан билдирилган фикр-мулоҳазалар инобатга олиниб, Ф.Ниязимбетовга Халқаро Турон федерацияси аъзоларининг рўйхатини шакллантириш, АҚШнинг Нью Йорк шаҳрида янги ташкилотни давлат рўйхатидан ўтказиш, шунингдек қисқа муддатда Тошкентда Турон спорти бўйича биринчи тарихий Жаҳон кубоги мусобақасини юксак савияда ўтказиш вазифаси юкланди.
Отабек Эшмаматов, АҚШдан махсус
Изоҳ (0)