Avvalroq “Paxtakor” FK prezidenti sifatida faoliyat yuritgan mutaxassis Botir Rahimov O‘zbekiston tennis federatsiyasi raisi etib saylangani haqida xabar berilgandi. Navbatdan tashqari saylov konferensiyada federatsiya raisiga o‘rinbosarlar tayinlandi.
Jumladan, Zilemxan Haydarov tennis federatsiyasi raisi o‘rinbosari etib tayinlandi. Shuningdek, Iroda To‘laganova, No‘mon Sattorov va Aziz Hamidovlar Botir Rahimovga o‘rinbosar bo‘ldi.
Bundan tashqari, Sardor Komilov tennis federatsiyasi Bosh kotibi etib tayinlandi.
“Navbatdan tashqari saylov konferensiya yakunlariga ko‘ra O‘zbekiston tennis federatsiyasida yangi kadrlar qarori qabul qilindi. Yangi tayinlovlar yetakchi jamoani yanada kuchaytirish va O‘zbekistonda tennisni rivojlantirishga qaratilgan”, – deyiladi federatsiya matbuot xizmati xabarida.
Izoh (0)