Qozog‘iston futbol terma jamoasi bosh murabbiyi Stanislav Cherchesov o‘z lavozimidan ketdi. Shartnoma tomonlarning o‘zaro kelishuviga asosan bekor qilindi. Bu haqda mamlakat futbol federatsiyasi matbuot xizmati ma’lum qilgan.
Rossiyalik mutaxassis 2024-yil iyunidan Qozog‘iston terma jamoasini boshqarib kelayotgan edi. Uning rahbarligida terma jamoa UEFA Millatlar Ligasi musobaqasida 6 ta o‘yin o‘tkazdi va 1 ochko to‘pladi.
Qozog‘iston futbol federatsiyasi Stanislav Salamovich va uning shtabiga bajarilgan ishlar uchun minnatdorchilik bildirib, kelajakdagi ishlarida muvaffaqiyatlar tilagan.
Federatsiya milliy terma jamoaning yangi bosh murabbiyi uchun nomzodlarni ko‘rib chiqmoqda.
Izoh (0)