Saida Mirziyoyeva Moskvaga tashrif doirasida Rossiya Federal Majlisi Federatsiya Kengashi raisi Valentina Matviyenko bilan uchrashuv o‘tkazdi.
O‘zbekiston-Rossiya munosabatlarining muhim yo‘nalishi bo‘lgan madaniy-gumanitar muloqotni rivojlantirish va jamoatchilik tashabbuslarini qo‘llab-quvvatlash masalalari e‘tibor markazida bo‘ldi.
Parlamentlararo hamkorlik va mintaqalararo aloqalar yuksak darajaga chiqqani mamnuniyat bilan qayd etildi.
Ta‘lim va madaniyat sohalaridagi loyihalarga alohida e‘tibor qaratildi.
Rossiya oliy ta‘lim muassasalarining yangi filiallarini ochishga ko‘maklashish, yoshlar uchun qo‘shma dasturlar, shuningdek, madaniyat sohasidagi tashabbuslar mamlakatlarimiz o‘rtasidagi do‘stlikni mustahkamlashga xizmat qilmoqda.
Faxriylar va bolalarni qo‘llab-quvvatlashga qaratilgan ijtimoiy loyihalarni amalga oshirishga alohida to‘xtalindi.
Madaniy muloqot va gumanitar almashinuv ikki tomonlama munosabatlarning muhim asosi bo‘lib qolayotgani to‘g‘risida yakdil fikr bildirildi.
Izoh (0)