Buxoro viloyatida ijtimoiy tarmoq orqali begona qizga shilqimlik qilgan yigit 5 sutkaga ma’muriy qamoqqa olindi.
Ma’lum qilinishicha, viloyatning Shofirkon tumanida 1998-yilda tug‘ilgan yigit o‘ziga tanish bo‘lgan Jondor tumanida yashovchi, 1987-yilda tug‘ilgan ayolga Telegram orqali xabarlar yuborib, uning tinchini buzgan.
Jabrlanuvchi ayol esa uning ustidan sudga murojaat qilgan. Holat yuzasidan huquqbuzarga nisbatan 5 sutka ma’muriy qamoq jazosi tayinlandi.
Kuni kecha Namanganda yo‘lovchiga shilqimlik qilgan Damas haydovchisi 3 sutkaga qamalgan edi.
Toshkent viloyati Nurafshon shahrida 60 yoshli erkak 6 yoshli qo‘shnisiga tegajog‘lik qilganlikda ayblanayotgani haqida xabar berilgandi. Shuningdek, Andijonda maktab direktori o‘rinbosari o‘quvchi qizlarga tegajog‘lik qilayotgani aytilgan, Toshkentda metro vagonida notanish qizga shilqimlik qilgan erkak besh sutkaga qamalgan edi.
Toshkent shahar Yunusobod tumanida o‘qituvchi erkak sobiq o‘quvchisini do‘stining oldida haqoratlab, tegajog‘lik qilgan edi.
Shuningdek, Toshkent shahrining Yakkasaroy tumanidagi rassomchilik maktabi o‘qituvchisi dars paytida o‘quvchi qizga shilqimlik qilgani uchun 5 sutkaga qamalgandi.
Izoh (0)