Xorazmda qaynota eletroskuterni boshqarib borayotgan kelinining yonida o‘tirib, unga shahvoniy shilqimlik qildi. Bu haqda Oliy sud axborot xizmati “Daryo”ga xabar berdi.
Unga ko‘ra, R.H. 29-avgust kuni eletroskuterni boshqarib borayotgan kelini A.O‘.ni yonida o‘tirib, uning sha’ni va qadr-qimmatini tahqirlab, tegajog‘lik qilib, belidan quchoqlagan va ko‘kragidan ushlab, shahvoniy shilqimlik harakatlarini sodir qilgan.
Erkak sudda, aybiga iqrorlik bildirmasdan, O‘rtayop qishlog‘iga bozorga oziq-ovqat mahsulotlari sotib olish uchun elektroskuterni boshqarib borayotgan kelinining yonida o‘tirib ketgani, shu vaqtda spirtli ichimlik ta’sirida bo‘lgani uchun nima qilganini eslay olmasligini, shahvoniy shilqimlik qilmagani, ishni qonuniy hal qilishni so‘rab, tushuntirish berdi.
Jabrlanuvchi sudda, haqiqatan ham 29-avgust kuni qaynotasi unga bozorga borib uyga xarajat qilib kelishini aytganini, elektroskuterni boshqarib bozorga ketishganini, uning yonida o‘tirib ketayotganida belidan quchoqlab, ko‘kragidan ushlab, u bilan jinsiy aloqada bo‘lishini aytib, shilqimlik qilganini, aytib, unga nisbatan qonuniy chora ko‘rishni so‘ragan.
Sud hukmiga ko‘ra, erkak Ma’muriy javobgarlik to‘g‘risidagi kodeksning 41-1-moddasining 1-qismi bilan aybli deb topilib, unga shu moddaning 1-qismiga asosan, to‘rt sutka ma’muriy qamoqqa olish jazosi tayinlandi.
Izoh (1)
Ja katta chora koʻriliptiku. Bunaqa ishlar boshqa davlat aholisi uchun ajablanarli emasdur. Lekin biz uchun bu fojea. Jazoni kuchayturish kerak. Men 4 yil boʻlsa kerak deb oʻylabman. Shuning uchin ham samosud koʻpayib ketadi. 4 kun oʻtirib chiqadida keyin kelinning akasimi kimidir uni qiynab oʻldiradi