Toshkent shahar Yangihayot tumanida keliniga shilqimlik qilgan qaynotaga chora ko‘rildi. Bu haqda “Millar” dasturida xabar berildi.
Unga ko‘ra, Yangihayot tumanida yashovchi erkak o‘z keliniga nisbatan uyatli harakatlar qilgan. Holat yuzasidan sud ishi bo‘lib o‘tdi. Unda qaynota aybiga iqror bo‘lib, keliniga uyatli harakatlar qilganini, hozirda qilgan qilmishlaridan pushaymonda ekanini, boshqa bunday huquqbuzarlik sodir qilmasligini aytgan,
Sud hukmiga ko‘ra, qaynota Ma’muriy javobgarlik to‘g‘risidagi kodeksning 41-1-moddasida nazarda tutilgan huquqbuzarlikni sodir etganlikda aybdor deb topilib, unga nisbatan 5 sutka ma’muriy qamoq jazosi tayinlandi.
O‘zbekistonda 4 oyda zo‘ravonlikka uchragan 2 317 nafar xotin-qizga yordam ko‘rsatildi.
Toshkent viloyati Nurafshon shahrida 60 yoshli erkak 6 yoshli qo‘shnisiga tegajog‘lik qilganlikda ayblanayotgani haqida xabar berilgandi. Shuningdek, Andijonda maktab direktori o‘rinbosari o‘quvchi qizlarga tegajog‘lik qilayotgani aytilgan, Toshkentda metro vagonida notanish qizga tegajog‘lik qilgan erkak besh sutkaga qamalgan edi.
Izoh (0)