Toshkent viloyati Chinoz tumanida uka o‘z opasini o‘ldirib, 7 kun uyda saqlagani haqida xabar berilgan edi. Holat yuzasidan sud ishi yakunlandi.
Holat 14-fevral kuni Toshkent viloyati Chinoz tumanida sodir bo‘lgan. Uka o‘z opasini o‘ldirgani haqida do‘stlariga telefon qilib aytgan. Do‘stlari hazillashyapti, deb o‘ylab, uning uyiga kelgan. Biroq rostdan u opasini o‘ldirib qo‘ygan bo‘lgan. Shundan so‘ng ular IIB xodimlariga xabar bergan.
Marhuma 1995-yilda, ukasi esa 1999-yilda tug‘ilgan. Uning qo‘shnilari murda bir hafta uyning balkonida saqlanganini aytgan. Yigit opasini pichoqlab o‘ldirgach, murdani gilamga o‘rab qo‘ygan.
Qo‘shnilarning so‘zlariga ko‘ra, yigit ham, ularning onasi ham yaxshi xulqli bo‘lgan. Marhuma ayol 2 farzandi bilan ajrashib, qizlik uyida onasi va ukasi bilan yashagan. Ukaning so‘zlariga ko‘ra, janjal kredit sabab kelib chiqqan.
“Kreditdan kelib chiqqan edi. Holat sababi tarbiya bo‘lmaganidan. Otamiz bo‘lmagan. Opam asabiy edi. Ko‘pincha u darajagacha bormay yarashib ketardik. Oxirgi marta kreditga pul to‘lamay o‘tkazib yuboraverayotgandi. Men pul o‘tkazdim.
Tunda xonamga pichoq bilan keldi. Pichoqni menga qaratdi-da qo‘li payigacha kesilib ketdi. Qonni ko‘rganimdan keyin o‘zimni boshqarolmay qoldim. Shok holatida edim. Murdasini ko‘rganimdan keyin tushunyapmanki opamni o‘ldirib qo‘ydim. O‘zimga kelolmaganim sababli xonamdan balkonga olib chiqib qo‘ydim.
Qilgan ishimdan juda pushaymonman. Shu paytgacha bir birimizni quchoqlamaganmiz ham. Ayamga ko‘pincha jinnixonaga ko‘rsataylik, derdim. Ayam sharmanda bo‘lamiz, qo‘y, deb yuraverardi. Ana endi qanaqa sharmanda bo‘ldik”, deydi yigit.
Sud onaning da’vosi yo‘qligini, ayol doimiy janjallar qilib kelganini inobatga olib hukm o‘qildi. Unga ko‘ra, yigit 8 yilga ozodlikdan mahrum qilindi.
Toshkent viloyatida er ayolini o‘lgunicha kaltaklab, vafotiga sababchi bo‘lgani haqida xabar berilgan. Andijonda esa erkak janjal sabab xotinini o‘ldirdi.
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi.
- Farg‘onada erkak bir guruh do‘stlari bilan sobiq kuyovini do‘pposladi.
- Chinozda uka o‘z opasini o‘ldirib, 7 kun uyda saqladi.
- Samarqandda qaynona kelinini quvvatlagich simi bilan bo‘g‘ib o‘ldirdi.
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi.
- Namanganda erkak do‘konda xotinini pichoqlab o‘ldirdi.
- Surxondaryoda ayoliga tazyiq o‘tkazgan erkak qamaldi.
- Surxondaryoda 71 yoshli ayol o‘z uyida o‘ldirib ketildi.
- Buxorolik erkak xotini bilan ajrashishni talab qilgan ayolni yostiq bilan o‘ldirdi.
Izoh (0)