Turkiyaning Istanbul shahrida o‘zbekistonlik 28 yoshli ayol turmush o‘rtog‘ini pichoqlab o‘ldirdi. Bu haqda Hurriyet xabar berdi.
-u9M-1NHl.avif)
Hodisa 6-aprel kuni Kartal tumanida sodir bo‘lgan. O‘zbekiston fuqarosi S.T. moddiy sabablarga ko‘ra 42 yoshli turmush o‘rtog‘i Emre Erimni bilan janjallashib qolgan. Kelishmovchilik mushtlashuvga aylangan. Bundan g‘azablangan S.T. oshxona pichog‘i bilan turmush o‘rtog‘iga zarar yetkazgan. Ayol shundan so‘ng taksi bekatiga qo‘ng‘iroq qilgan va “erim kasal, shifoxonaga borishi kerak”, deb mashina so‘ragan.
Taksi haydovchisi voqea joyiga yetib kelganida qonga belangan erkakni ko‘rgan. U 112 raqamiga qo‘ng‘iroq qilib, yordam so‘ragan. Voqea joyiga politsiya va tibbiyot xodimlari yetib kelgan. Ayol politsiya xodimlari tomonidan qo‘lga olingan.
Marhumning jasadi ekspertiza uchun Sud-tibbiyot muassasasiga yuborilgan. Keyinchalik jasad oila a’zolari tomonidan qabul qilingach, dafn etilgan.
Ma’lum qilinishicha, er-xotinning turmush qurganiga 4 yil bo‘lgan va bir nafar bolasi bor.
Izoh (0)