17-iyun kuni Jinoyat ishlari bo‘yicha Konimex tuman sudining hukmi bilan qasddan odam o‘ldirish jinoyatini sodir etgan shaxsga 10 yil muddatga ozodlikdan mahrum qilish jazosi tayinlandi. Bu haqda “Zo‘rTV” telekanalining “Bu kun” dasturida ma’lum qilindi.
Ma’lumotlarga ko‘ra, A. ismli fuqaro yo‘l-transport hodisasiga uchragan Nexia rusumli mashinasini tuzatish uchun ustaxonaga borgan. Biroq usta mashinani tuzatishdan ko‘ra uni sotib olish taklifini bergan. Avtomobil 22 million so‘mga baholangan va usta fuqaro A.ga dastlab 1000 dollar va 1 million so‘m bergan.
Vaqt o‘tib, 16-mart kuni fuqaro A. qolgan pulni undirishga ustaning uyiga kelgan va unikida spirtli ichimlik ichib, ovqatlangan. O‘rtada o‘zaro janjal kelib chiqqan va A. mashina ustasining yuziga bir marotaba urgan. Usta esa oshxona pichog‘ini yigitning chap ko‘krak sohasiga bir marta sanchib olgan. Jabrlanuvchi olgan tan jarohatlari oqibatida halok bo‘lgan.
Sud hay’ati sudlanuvchi, jabrlanuvchi va guvohlarning ko‘rsatmalarini o‘rganib chiqib, ishda mavjud dalillarga baho bergan holda hukm chiqargan. Sudlanuvchiga nisbatan 10 yil muddatga ozodlikdan mahrum etish jazosi tayinlangan.
Avvalroq Olmaliqda 22 yoshli yigit o‘zidan 3 yosh katta shaxsni pichoqlab, o‘ldirib qo‘ygani, Surxondaryoda onasini haqorat qilgan qarindoshini pichoqlab o‘ldirgan shaxsga jinoiy ish ochilgani, Buxoroda 63 yoshli erkak yer talashib, singlisini pichoqlab qo‘ygani, Jizzaxda xotinini xiyonat qilishda ayblab, uni o‘ldirib qo‘ygan shaxs 14 yilga qamalgani to‘g‘risida xabar berilgandi.
Izoh (0)