Tailand bosh vaziri Paetongtarn Shinavatraning Kamboja sobiq rahbari Xun Sen o‘rtasida chegara mojarosi haqidagi telefon suhbati internetga tarqalib ketgan. Bu haqda BBC xabar berdi.
Ushbu suhbat sababli 38 yoshli bosh vazirning koalitsion hukumati qulash arafasida. Mamlakat aholisi undan lavozimidan ketishni talab qilmoqda. Jamoatchilikning g‘azabi qo‘zg‘agani aytilgan. Vazirning “Peu Thai” partiyasi hukumatni tark etishi kutilmoqda. Suhbatda u oilaviy do‘sti va Janubi-Sharqiy Osiyo mintaqasidagi katta siyosatchi Xun Senni “amaki” deb atagan va Tailand harbiy qo‘mondonini ishdan bo‘shatmoqchi ekanini bildirgan.
“Men Kamboja rahbari bilan suhbatim tarqalib ketgani uchun uzr so‘ramoqchiman”, dedi Paetongtarn 19-iyun kuni.
Paetongtarn hukmron koalitsiyasining ikkinchi yirik partiyasi bo‘lgan “Bhumjaithai” 18-iyun kuni alyansni tark etgan. Vazirning hukumati hozirda ozchilikni tashkil etmoqda. Koalitsiyaning ikki hamkori 19-iyun kuni vaziyatni muhokama qilish uchun uchrashgani aytilgan.
Tanqidchilar bosh vazirning unga “amaki” deb murojaat qilgani va uning ehtiyojlari haqida “g‘amxo‘rlik qilishga” va’da bergani uchun Xun Senni ochiqchasiga hurmat qilganiga e’tiroz bildirgan. Bosh vazir, shuningdek, mamlakat siyosatida muhim ta’sirga ega bo‘lgan armiya nufuziga putur yetkazishda ham ayblangan.
Shinavatraning Kambojadagi Xun oilasi bilan do‘stligi o‘nlab yillarga borib taqaladi. Xun Sen va Paetongtarnning otasi, Tailand sobiq bosh vaziri Taksin Shinavatra bir-birini “cho‘qintirgan aka-uka” deb biladi.
Paetongtarn lavozimga kirishganinga atigi 10 oy bo‘ldi. U 2024-yilning avgustida bosh vazir lavozimini egallagandi.
Izoh (1)
bu ilova zór ekan menga yoqdi maʼlumotlari rosa koʻp ekan