O‘zbekiston terma jamoasi vingeri Abbosbek Fayzullayev Moskvaning “SSKA” klubidan “Bashakshehir”ga ko‘chib o‘tdi. Shundan keyin futbolchi o‘zining Instagram sahifasi orqali Moskva klubi muxlislariga xayrlashuv maktubi yo‘lladi.
U “SSKA” murabbiylari, jamoadoshlari va muxlislariga minnatdorlik bildirib, ushbu jamoa orqali terma jamoada o‘z o‘rnini topganini aytdi:
“SSKA” rahbariyati va murabbiylariga, xususan Vladimir Fedotov hamda Marko Nikolichdan juda minnatdorman. Bu klubda sidqidildan mehnat qilib, muxlislar ishonchini oqlashga harakat qildim. Jamoadoshlarim va klub xodimlariga ham tashakkur. Ular meni iliq kutib olishdi. “SSKA” orqali terma jamoada o‘z o‘rnimni topdim, Olimpiadada qatnashdim va Jahon chempionatiga yo‘llanma oldik. “SSKA” va uning muxlislariga minnatdorman. Klub doim qalbimda qoladi.
Endi men “Bashakshehir” futbolchisiman. Bu — yangi bosqich va katta imkoniyat. Turkiya madaniyati bizga yaqin, chempionat esa kuchli va raqobatbardosh. “Bashakshehir” bilan Yevrokuboklarda o‘ynash menga katta ilhom beradi. Klubga yordam berishga tayyorman, deydi Fayzullayev.
Ma’lumot uchun, Fayzullayev “SSKA”dan “Bashakshehir”ga 7,5 million yevro evaziga transfer qilindi. U hozir jamoadagi eng qimmat futbolchisi hisoblanadi. Fayzullayev turk klubi safida 11-raqam ostida harakat qiladi.
Izoh (0)