Kambodjadagi mehmonxona-kazinoda sodir bo‘lgan yong‘in oqibatida halok bo‘lganlar soni 19 kishiga yetdi, deb xabar bermoqda Associated Press mahalliy hokimiyatga tayanib.
Yong‘in Poypet shahridagi Grand Diamond City mehmonxonasi va kazinosida 28-dekabr kuni boshlangan va faqat ertasi kuni uni o‘chirishga muvaffaq bo‘lingan. Hodisada jami 19 kishi halok bo‘ldi. Yana 60 kishi jarohatlandi. Shu bilan birga qurbonlar soni ortishi mumkinligi aytilmoqda. Avvalroq o‘n kishi halok bo‘lgani xabar qilingandi.
Yong‘in sodir bo‘lgan vaqtda mehmonxonada 50 nafar Tailand fuqarosi bo‘lgan. Poypet shahri Kambodja va Tailand chegarasida joylashgan. Tailandda kazinolar noqonuniy hisoblanadi, shuning uchun mamlakat fuqarolari o‘yin uchun Kambodjaga tashrif buyuradi. Yong‘in sodir bo‘lgan kazinoga chegaradan piyoda borish mumkin.
Izoh (0)