Hindistonning Haydarobod shahrida “Dunyo go‘zali-2025” tanlovi finali bo‘lib o‘tdi. Go‘zallik unvoni Opal Suchatu Chuangstriga nasib etdi. Shu tariqa birinchi marta tailandlik qiz dunyodagi eng go‘zal qizga aylandi. Tojni unga o‘tgan yilgi tanlov g‘olibi chexiyalik Kristina Piszkova topshirdi.
Tojning yangi egasi 21 yoshda. Qiz Tammasat universitetining xalqaro aloqalar fakultetini tamomlagan va Pxuketda mehmonxona biznesini boshqaradi. Opal avvalroq “Miss Rattanakosin” tanlovida, keyin esa “Tailand go‘zali” tanlovida ishtirok etgan va shundan so‘ng “Olam go‘zali-2024” finalchilari qatoridan joy olgan.
Qiz xayriya sohasida faol bo‘lib, uysiz hayvonlarni qutqaradi va ko‘krak saratoni bilan og‘rigan bemorlarga yordam beruvchi Opal For Her tashkilotida ko‘ngilli bo‘lib ishlaydi. Bo‘sh vaqtlarida u ukulele (gitaraga o‘xshash, lekin kichikroq o‘lchamdagi to‘rt torli kichik musiqa asbobi) chaladi va uy hayvonlariga eʼtibor qaratadi: uning 16 ta mushugi va 5 ta iti bor.
72- “Dunyo go‘zali” sifatidagi birinchi nutqida Opal yaqin kelajakdagi rejalari bilan o‘rtoqlashdi. “Bu lahza nafaqat shaxsiy g‘alaba, balki uni ko‘rishlarini, eshitishlarini va nimanidir o‘zgartirishni xohlaydigan har bir yosh qizning umumiy orzusi. Men haqiqatan ham dunyoni yaxshi tomonga o‘zgartirishni xohlayman”, deb ishontirdi unvonli sohibjamol.
-Jv1jNlOY.avif)
“Birinchi vitse go‘zal” efiopiyalik Xasset Dereje Admassu, “Ikkinchi vitse go‘zal” polshalik Mayya Klayd, “Uchinchi vitse go‘zal” martinikalik Oreli Joaxim bo‘ldi.
Bu yilgi tanlovda 108 mamlakatdan qizlar ishtirok etdi. “Dunyo go‘zali-2025” tanlovining finali janjallar bilan o‘tdi. Mahalliy rasmiylar tajovuzkor maymunlar ishtirokchilarga hujum qila boshlashidan xavotirda edi. Shu munosabat bilan o‘rmon xo‘jaligi “Maymun” operatsiyasini eʼlon qildi — natijada Rampa ibodatxonasi atrofida yashovchi 150 ta makaka ovlandi. Ularni Eturnagaram qo‘riqxonasi o‘rmoniga qo‘yib yuborishdi.
Izoh (0)