Kambodja bosh vaziri Hun Sen uch hafta ichida o‘z lavozimini tark etishini va bu lavozimni to‘ng‘ich o‘g‘li Hun Manetga topshirishini aytdi. Bu haqda Associated Press xabar bermoqda.
Hun Sen o‘z qarori haqida Kambodja qiroli Norodom Siamoni xabardor qilgan. Uning aytishicha, qirol bunga rozilik bildirgan.
Hun Sen bunday bayonotni mamlakatda bo‘lib o‘tgan parlament saylovlarida hukmron Kambodja Xalq partiyasi g‘alaba qozonib, Milliy assambleyadagi (parlament quyi palatasi) 125 o‘rindan 120 tasini egallaganidan so‘ng e’lon qildi.
45 yoshli Hun Manet Kambodja Qurolli Kuchlari generali va Kambodja Qirollik armiyasining qo‘mondoni bo‘lib ishlaydi.
Hun Sen 38 yildan ortiq vaqtdan beri hokimiyat tepasida. U 1985-yil yanvar oyida Kambodja bosh vaziri lavozimini egallagandi.
Avvalroq Norvegiyada so‘lchi partiya rahbari ko‘zoynak o‘g‘irlagani uchun iste’foga chiqqani, Yangi Zelandiya adliya vaziri mast holatda rulga o‘tirib, yo‘l transport hodisasini sodir etganidan keyin ishdan bo‘shagani haqida xabar berilgandi.
Izoh (0)