Таиланд бош вазири Паэтонгтарн Шинаватранинг Камбожа собиқ раҳбари Хун Сен ўртасида чегара можароси ҳақидаги телефон суҳбати интернетга тарқалиб кетган. Бу ҳақда BBC хабар берди.
Ушбу суҳбат сабабли 38 ёшли бош вазирнинг коалицион ҳукумати қулаш арафасида. Мамлакат аҳолиси ундан лавозимидан кетишни талаб қилмоқда. Жамоатчиликнинг ғазаби қўзғагани айтилган. Вазирнинг “Пеу Тҳаи” партияси ҳукуматни тарк этиши кутилмоқда. Суҳбатда у оилавий дўсти ва Жануби-Шарқий Осиё минтақасидаги катта сиёсатчи Хун Сенни “амаки” деб атаган ва Таиланд ҳарбий қўмондонини ишдан бўшатмоқчи эканини билдирган.
“Мен Камбожа раҳбари билан суҳбатим тарқалиб кетгани учун узр сўрамоқчиман”, деди Паэтонгтарн 19 июнь куни.
Паэтонгтарн ҳукмрон коалициясининг иккинчи йирик партияси бўлган “Бҳумжаитҳаи” 18 июнь куни альянсни тарк этган. Вазирнинг ҳукумати ҳозирда озчиликни ташкил этмоқда. Коалициянинг икки ҳамкори 19 июнь куни вазиятни муҳокама қилиш учун учрашгани айтилган.
Танқидчилар бош вазирнинг унга “амаки” деб мурожаат қилгани ва унинг эҳтиёжлари ҳақида “ғамхўрлик қилишга” ваъда бергани учун Хун Сенни очиқчасига ҳурмат қилганига эътироз билдирган. Бош вазир, шунингдек, мамлакат сиёсатида муҳим таъсирга эга бўлган армия нуфузига путур етказишда ҳам айбланган.
Шинаватранинг Камбожадаги Хун оиласи билан дўстлиги ўнлаб йилларга бориб тақалади. Хун Сен ва Паэтонгтарннинг отаси, Таиланд собиқ бош вазири Таксин Шинаватра бир-бирини “чўқинтирган ака-ука” деб билади.
Паэтонгтарн лавозимга киришганинга атиги 10 ой бўлди. У 2024 йилнинг августида бош вазир лавозимини эгаллаганди.
Изоҳ (1)
bu ilova zór ekan menga yoqdi maʼlumotlari rosa koʻp ekan