Namangandagi 64-xalqaro gullar festivalida rekord darajada gul savdoga chiqdi. Bu haqda viloyat hokimligi xabar berdi.
Qayd etilishicha, 64-xalqaro gullar festivalining 3-haftasi boshlandi. Bu yilgi gulbozorda ishtirokchilar soni va gullar ko‘lami rekord darajani tashkil etmoqda — 1,5 mingdan ortiq gulchi 30 milliondan ortiq xonaki gul taqdim etdi.
Sotuvchilarga ko‘ra, orxideya, geran va begoniya kabi gullar eng ko‘p xarid qilinmoqda. Narxlar 5 ming so‘mdan boshlanib, ayrim nodir gullar 1,5 million so‘mgacha baholanmoqda. Gullarga bo‘lgan talab o‘tgan yilga nisbatan ancha oshgan.
Ta’kidlanishicha, xaridorlar gullarni asosan kayfiyat va interyer uchun tanlashmoqda. Ko‘pchilik uchun bu festival — yangi gul turlari bilan tanishish va tabiat bilan yaqinlashish imkoniyati bo‘lmoqda.
Festival doirasida:
- “Daryo” videoreportaji: Namanganda gullar festivali doirasida bo‘lib o‘tgan moda haftaligi
- “Daryo” videoreportaji: Namanganda 500 ta dron ishtirokidagi shou
- “Daryo” videoreportaji: Namanganda 64-xalqaro gullar festivali boshlandi
- “Daryo” videoreportaji: 64-xalqaro gullar festivaliga tayyorgarlik ko‘rayotgan Namangan
Izoh (0)