Namangan shahridagi “Afsonalar vodiysi” bog‘ida 63-xalqaro gullar festivali doirasida dron-shou o‘tkazildi. Bu haqda “Daryo” muxbiri Azizbek Abduvaliyev xabar bermoqda.
Viloyat hokimligi va Kadastr agentligining “Geoinnovatsiya markazi” hamkorligida tashkil etilgan tomoshada 500 ta dron uchirilib, turli yozuv va shakllar hosil qilindi.
Shouning asosiy mavzusi bitiruvchilar bo‘ldi. Dronlar yordamida “Bitiruvchi, oq yo‘l”, “Talabalik—oltin davrim” kabi so‘zlar terildi.
Shuningdek, mamlakat bayrog‘i, Xumo qushi timsollarini ham ko‘rish mumkin edi.
“Afsonalar vodiysi” bog‘idagi mazkur tomoshani festivalga kelgan minglab mehmonlar kuzatib bordi.
Izoh (0)