Giyohvandlik vositasini Farg‘onaga olib ketayotgan narkokuryerlar Toshkent viloyatida ushlandi, deb xabar berdi viloyat IIBB matbuot xizmati.
Maʼlum qilinishicha, tadbir davomida Toshkentda yashovchi, 1998-yilda tug‘ilgan shaxs qo‘shni davlatdan kontrabanda yo‘li bilan olib kelingan, gashish giyohvandlik moddasini Bekoboddagi yashirib qo‘yilgan joyidan olib, Qo‘qonda yashovchi xaridorga olib ketayotgan vaqtida qochishga uringan ikki shaxs ham ushlandi.
Olib borilgan tergovga qadar tekshiruv davomida ushbu giyohvandlik moddasi narkokuryer tomonidan kontrabanda yo‘li bilan “zakladka” ko‘rinishida ko‘mib ketilgani aniqlandi.
Mazkur holat yuzasidan ushlangan shaxsga nisbatan Jinoyat kodeksining 273-moddasi 5-qismi (giyohvandlik vositalari, ularning analoglari yoki psixotrop moddalarni ko‘p miqdorda qonunga xilof ravishda sotish) bilan jinoyat ishi qo‘zg‘atildi. Tergov harakatlari olib borilmoqda.
Giyohvand moddalar savdosi
Mart oyi o‘rtalarida DXX Chegara qo‘shinlari va Namangan viloyati bo‘yicha boshqarmasi harbiy xizmatchilari tomonidan olib borilgan tezkor-qidiruv tadbirlarida katta miqdordagi narkotik moddalarning o‘zbek-qirg‘iz davlat chegarasidan noqonuniy o‘tkazilgan holati aniqlangandi.
Shuningdek, Navoiy viloyatida narkotik moddalar savdosi bilan shug‘ullanuvchi jinoiy guruh qo‘lga olingani, Toshkentda giyohvand moddalar savdosi bilan shug‘ullangan talabalar ushlangani, shuningdek, Samarqanddagi tungi klubda 10 ming AQSH dollari evaziga giyohvand modda sotishga uringanlar qo‘lga tushgani to‘g‘risida xabar berilgandi.
Aprel oyi oxirida Toshkent viloyatida narkokuryerlik bilan shug‘ullangan kollej talabasi ushlangandi.
Oktyabr oyining 10 kuni davomida giyohvandlik vositalarini yashirish yo‘li bilan (“zakladka”) tarqatgan va shunday noqonuniy faoliyat bilan shug‘ullangan 32 nafar shaxs ushlangan.
Izoh (0)