Andijonda ayolni oilasi oldida sharmanda qilmaslik uchun 7 ming dollar talab qilgan erkak ushlandi. Bu haqda viloyat IIB xabar berdi.
Qayd etilshicha, huquq-tartibot idoralari tomonidan Andijon viloyatining Oltinko‘l tumanida o‘tkazilgan tezkor tadbir davomida tovlamachilik jinoyatiga chek qo‘yildi. Fuqaroning arizasi asosida o‘tkazilgan tadbirda 42 yoshli erkak ushlandi.
U ayol bilan bo‘lgan ishqiy munosabatlari haqida ma’lumot tarqatish, oilaviy sha’nini yerga urish bilan tahdid qilib, unga bosim o‘tkazgan. Shuningdek, u ichki ishlar organlarida mavjud bayonnomani qaytarib bermaslik va ma’lumotlarni oshkor qilmaslik evaziga 7 000 AQSH dollari talab qilgan.
Tezkor chora-tadbirlar natijasida erkak pulni olayotgan vaqtida jinoyat ustida qo‘lga olingan. Mazkur holat yuzasidan Jinoyat kodeksining 165-moddasi 1-qismi (tovlamachilik) bilan jinoyat ishi qo‘zg‘atilib, tergov harakatlari olib borilmoqda.
Shu kabi holatar
- Buxoro shahrida erkak bilan ishqiy munosabatda bo‘lib, uni turmush o‘rtog‘iga oshkor qilmaslik evaziga telefon talab qilgan qiz qo‘lga olingandi.
- Toshkentda ayolning foto-videolarini eri va qaynotasiga ko‘rsatishini aytib, undan pul talab qilgan erkak ushlangani,
- Toshkent viloyatida 19 yoshli qizning suratlarini tarqatish bilan tahdid qilgan yigit qo‘lga tushgani to‘g‘risida xabar berilgandi.
Izoh (0)