Mashhurlar do‘stligi har doim ham abadiy emas. Hatto eng sodiq ko‘ringanlar ham bir kun kelib bir-birining hayotidan chiqib ketadi. Ular bir paytlar ajralmas, sahnada yonma-yon, intervyularda bir-birini “oila” deb atashgan bo‘lsa-da, vaqt o‘tishi bilan iliq munosabatlar sovuqqonlikka, do‘stona quchoqlar esa ijtimoiy tarmoqlardagi unfollow’larga aylangan.
Teylor Svift va Karli Kloss: opa-singildek munosabatdan begonagacha
Bir paytlar Teylor Svift va Karli Kloss ajralmas dugonalar edi: ular Vogue muqovasi uchun suratga tushishar, birga sayohatlarga chiqishar, turli kechalarda birga bo‘lishar edi. Teylor Karlini “singlim” derdi. Ammo barchasi to‘satdan — janjalsiz, xayrlashuvsiz postlarsiz yakun topdi. E’tiborli muxlislar buni darhol sezdi: ular bir-birini bayramlarda tabriklamay, ommada ko‘rinmay qo‘ydi, ijtimoiy tarmoqlarda esa sukunat hukmron.
Ba’zilar ularning ajralish sabablariga Svift albomlarini sotib olgan prodyuser Skuter Braun bilan bog‘liq ziddiyat yoki shaxsiy ma’lumotlar tarqalishi sabab bo‘lgan deb gumon qiladi. Ayrim muxlislar Teylorning It’s Time to Go qo‘shig‘ini “soxta singil” voqeasiga ishora deb bilishadi. Ammo Karli ham, Teylor ham bu haqda ochiq-oydin hech narsa demagan.
Selena Gomes va Fransiya Raysa: hayotni saqlab qolgan, ammo sinovlarga bardosh bermagan do‘stlik
Selena Gomes va Fransiya Raysa voqeasi shou-biznes olamida noyob, samimiy do‘stlik namunasi edi. Ular 2007-yilda tanishishgan, 2017-yilda esa Fransiya Gomesga buyragini berib, uning hayotini saqlab qolgan. Selena bu haqda o‘zining minnatdorlik posti bilan butun dunyoni larzaga keltirgan, muxlislar esa Fransiyani qahramon deb atashgan. Ularning rishtasi barchaga abadiydek tuyulgan.
Ammo vaqt o‘tishi bilan bu do‘stlik sindi: ularning birga tushgan suratlari ijtimoiy tarmoqlardan o‘chirib tashlandi. Bir intervyuda Selena o‘zining yagona do‘sti deb Teylor Sviftni atadi. Fransiya esa bunga “Juda qiziq”, degan javob bilan ijtimoiy tarmoqlarda undan obunani bekor qildi. Muxlislar taxminicha, Fransiyaning ranjishiga go‘yoki Selena buyragini qadrlamay, ichkilik ichayotgani sabab bo‘lgan. Gomes esa doim minnatdorligini bildirib keladi, Raysi ham ularning orasida adovat yo‘qligini aytadi, ammo ular ortiq gaplashishmaydi.
Kim Kardashyan va Larsa Pippen: mojarolar o‘rniga sukunat va bepisandlik
Kim Kardashyan va Larsa Pippen do‘stligi “Umidsiz uy bekalari” serialiga o‘xshash Gollivud dramasidek bo‘ldi. Ular yillar davomida ajralmas edi, Larsaga hatto Kardashyanlar oilasining bir qismi deb qaralardi. Ammo 2020-yilda Kim, Xloya, Kortni va hatto Kayli birgalikda Larsani ijtimoiy tarmoqlarda unfollow qilishdi. Ula bunga hech qanday izoh bermay, sukut saqladi. Keyinchalik Larsa intervyuda Kimning sobiq turmush o‘rtog‘i Kanye Uestni aybladi, go‘yoki u Kimga bosim o‘tkazib, ularning do‘stligiga qarshi qo‘ygan. Kardashyandan esa javob bo‘lmadi.
Qizig‘i shundaki, Kim bilan ajralgach, Larsa ommaviy axborot vositalarida faolroq ko‘rina boshladi: yangi realiti-shouda ishtirok etdi, Maykl Jordaning o‘g‘li bilan ishqiy munosabat boshladi va “yangi Kim” degan laqabni oldi. Ammo Kardashyanlar oilasiga kirish yo‘li unga yopiqligicha qoldi.
Demi Lovato va Dani Vitale: qaramlik do‘stlikni yengdi
Demi Lovato va Dani Vitale hamkasblikdan tashqari, yaqin do‘stlar edi. Dani xoreograf va kreativ direktor sifatida Demi bilan gastrollarda birga bo‘lgan, ammo 2018-yil yozida Demi haddan tashqari dozada narkotik modda qabul qilib, o‘limdan omon qolganidan keyin hammasi o‘zgardi. U bir kechada do‘stlari bilan bo‘lgan, ketgach esa narkodilerni chaqirgan, bu haqda xonanda keyinroq o‘zi so‘zlab bergan. So‘ng Lovatoning muxlislari Dani Vitaleni giyohvand moddalar bilan ta’minlashda aybladi va ijtimoiy tarmoqlarda tahdid qilishdi.
“Dancing with the Devil” hujjatli filmida Lovato Daniga o‘z fikrini aytishga imkon berdi. Dani ishsiz qolganini, tazyiq va depressiyaga tushganini tan oldi. Ular muloqotni tiklagan bo‘lsa-da, avvalgidek do‘st bo‘la bo‘lmadi. Dani boshqa san’atkorlar bilan ishlashda davom etdi.
Megan Foks, Brayan Ostin Grin va Machine Gun Kelly: janjallar tugamaganda
Toksik munosabatlar nafaqat sobiq dugonalar, balki sobiq erlar va yigitlar o‘rtasida ham bo‘ladi. Megan Foks bunday holatni ikki marta boshidna kechirgan: u uch farzandining otasi Brayan Ostin Grin bilan ajrashgan, keyinchalik Machine Gun Kelly (Kolson Beyker) bilan ishqiy munosabatda bo‘lgan. Grin bilan 10 yildan ortiq birga yashagan, ammo munosabatlari og‘ir bo‘lgan: rashk, tazyiqlar, yosh tafovuti tufayli oilada tinchlik bo‘lmagan. Megan esa hali ajrashmay turib Beyker bilan uchrashgan va shundan keyin katta mojarolar boshlangan.
2020-yil kuzida Brayan o‘g‘li bilan tushgan suratni joyladi, Megan esa uni odamlar ko‘z o‘ngida “yaxshi ota” imijini yaratish uchun o‘g‘lidan foydalanganlikda aybladi. Internetda bu mojaroga Beyker ham aralashdi. Foks bilan xiyonat tufayli ajralishgach, Grin bilan mojarolari yana avj oldi. Oddiy tug‘ruq haqidagi savoldan boshlangan gap, haqoratlar va shaxsiy yozishmalarni fosh qilish bilan yakun topdi.
Izoh (0)