32 yoshli Demi Lovato Los Anjelesda musiqachi Jordan Lyutsga turmushga chiqdi. Fotosuratlar juftlikning ijtimoiy tarmoqlardagi sahifalarida eʼlon qilindi.
Kelin modelyer Vivienne Westwood tomonidan yaratilgan oq libosda edi.
“Menga qaysi bichimdagi ko‘ylak kerakligi haqida o‘ylaganimda xayolimga birinchi bo‘lib Viven modellari keldi, chunki uning ko‘ylaklari qomatdagi kamchiliklarni samarali berkitadi”, dedi Demi.
To‘yning ikkinchi qismi uchun Lovato Westwood’dan boshqa libosni tanladi — xonanda fil suyagi rangidagi ipak ko‘ylakda mehmonlar oldiga chiqdi.
Eslatib o‘tamiz, 34 yoshli Jordan va Disneyning sobiq yulduzi o‘zlarining ishqiy munosabatlari haqida birinchi marta 2022-yil avgust oyida eʼlon qilishgan edi. Juftlikning unashtirilgani esa 2023-yil oxirida maʼlum bo‘ldi.
Hozirda xonandaning qo‘shiqlari juda mashhur. Uning Qo‘shma Shtatlarda 24 milliondan ortiq plastinkasi sotilgan, xonanda ko‘plab mukofotlarga, jumladan, MTV Video Music Award mukofotiga sazovor bo‘lgan. Bundan tashqari, Demi teledastur tarixidagi X-Factor hakamlar hayʼatining eng yosh aʼzosiga aylanib, Ginnesning rekordlar kitobiga kiritilgan.
Izoh (0)